Өймөкөөннөр бастакынан үрүҥ тунах ыһыахтарын ыстылар

Бүгүн, Арассыыйа күнүгэр, элбэх национальностаах Өймөкөөн улууһун киинигэр оройуон 105 үбүлүөйдээх сылыгар өрөспүүбүлүкэҕэ бастакынан «Доҕордоһуу уонна сомоҕолоһуу ыһыаҕын» бэлиэтииллэр.

Алгыс сиэрин-туомун кэнниттэн национальнай бырааһынньык Үрүҥ тунах ыһыах үөрүүлээх аһыллыыта буолла.

Тэрээһиҥҥэ хотугу улуус алта нэһилиэктэриттэн ытык ыалдьыттара уонна ыҥырыылаах дэлэгээссийэлэр сырыттылар. Өймөкөөннөргө эҕэрдэ тылларынан Уус-Ньара дьаһалтатын баһылыга Виктория Понамарчук, оройуон баһылыга Александр Оконешников уонна «Биир Ньыгыл Арассыыйа» Өймөкөөн улууһун баартыйатын сэкирэтээрэ Максим Каздобин эҕэрдэлээтилэр.

Бу күн эдэр уус-ньараларга Арассыыйа гражданнарын пааспардарын туттардылар. Сомоҕолоһуу оһуохайа улуус үгүс омуктарын түмтэ. Бырааһынньыктааҕы кэнсиэр чаҕылхай ырыаларынан уонна үҥкүү нүөмэрдэринэн уһуйааччылары уонна ыалдьыттары үөртэ.

Юлия Фролова, «Хотугу Сардаҥа» хаһыат ТГ-ханаала