Хаартыска: Алексей Федотов тиксэриитэ.
Бу күннэргэ улуус дьаһалтатын салалтата улуус социальнай-экэнэмиичэскэй сайдыытын боппуруостарын быһаарса Дьокуускай куоракка үлэлииллэр.
Туох хайысхалаах үлэ барарын улуус баһылыгын 1-кы солбуйааччы Алексей Федотов маннык сырдатта:
—— Бырабыытылыстыба отчуотун кэмигэр улуус социальнай-экэнэмиичэскэй сайдыытыгар туһуламмыт мунньах буолбута. Улуус баһылыга Александр Оконешников дьаһалынан бырабыыталыстыба отчуотун кэнниттэн тута мин уонна экэниэмикэ управлениетын салайааччыта Ирина Никитина, үп управлениетын салайааччытын эбээһинэһин толорооччу Елена Сапегина экэниэмикэ министиэристибэтигэр сылдьан, бюджет уустуктарыгар хас биирдии статьяны дакаастаан, эбии үбүлээһини тыырдара сылдьабыт. Маныаха Елена Сапегина эрдэттэн бэлэмнээх кэлэн, тустаах үлэни күүскэ ыытарын бэлиэтиир тоҕоостоох.
Экэниэмикэ управлениетын салайааччыта Ирина Никитина хас биирдии күнүн аттаран, түөрт сүрүн анал дэпэртээмэни кытта үлэлэһэр. Үлэбит сүрүн соруга — Ил Дархан өрөспүүбүлүкэ сайдыытын аҕыс хайысхатыгар туһаайбыт стратегическай ыйааҕын олоххо киллэрии. Ол инниттэн итинник былааннаах үлэ саҕаланна. Маны таһынан, инники былааннарга недропользователлэри кытта үлэҕэ бэлэмнэнэн, нолуок боппуруостарыгар көмө хайысхатын тобулуу уонна улуус социальнай-экэнэмиичэскэй сайдыыга туһаайыллыбыт былаанын анал ирдэбиллэргэ сөп түбэһиннэрэн саҥардан биэриигэ эмиэ улахан үлэ барар. Экэниэмикэ министиэристибэтэ өрөспүүбүлүкэ сайдыытыгар тирэх точкаларга оҥоһуллубут анал бырагыраамалардаах. Онно Уус-Ньара бөһүөлэгэ эмиэ киирэ сылдьар. Манна 16 араас хайысхаларга туспа маастар-былаан оҥоруутун сүбэлэстибит. Сыыппаралары бэрээдэктээн баран, элбэх хайысхалаах үлэ барыахтаах. Онтон ол оннун булан бардаҕына, улуус да, нэһилиэктэр да сайдыыларын сүрүн бырагыраамата торумнаныа этэ. Бу сылдьар кэммитигэр нэһилиэктэргэ быйылгы сылга ыытыллыахтаах үлэлэригэр бүддьүөттэригэр тиийбэт үп боппуростарыгар үлэлэһии, быйыл баһылык отчуотугар киирбит тыа хаһаайыстыбатын, сир боппуруостарыгар элбэх ыйытыылары быһаарсар инниттэн, баай-дуол министиэристибэтигэр эмиэ сылдьыахпыт. Ол кэнниттэн анал хамыыһыйа нэһилиэктэринэн сылдьан, сир докумуоннарын боппуруостарыгар үлэлэһиэҕэ. Маны тэҥэ, ОДьКХ уонна тутуу министиэристибэлэригэр сылдьан, Үчүгэй оскуолатын тутууга сыһыаннаах боппуростары быһаарсыахпыт.
Саха сирин сүүмэрдэммит хамаандатын чэпчэки атлетикаҕа спортсменнара Алена Татаринова уонна Наталья Леонтьева ыраах дистанцияҕа сүүрүүгэ…
Бу күннэргэ «Якутия» авиахампаанньа Нерюнгри-Москва хайысханан ураты рейсин оҥордо. Бу рейсинэн оккупацияны туораабыт, Аҕа дойду…
Сүүрүү көмүскээччилэргэ аналлаах «Өйдүүбүт! Киэн туттабыт! Махтанабыт!» сүүрүү аахсыйата хас да түһүмэҕинэн ыытыллар. Ыам ыйын…
Владимир Путин ыҥырыытынан Кытай Норуодунай Өрөспүүбүлүкэтин бэрэссэдээтэлэ Си Цзиньпин бу сыл ыам ыйын 7-10 күннэригэр…
Биһиги күннээҕи олохпутугар араас аһылыгы аһыыбыт. Кэлиҥҥи сылларга олох да үөйбэтэх, урукку өттүгэр санаан да…
[gallery ids="209208,209207,209206,209203,209204,209205,209202,209201,209200,209197,209198,209199,209194,209195,209196,209192,209193"] Ыам ыйын 4 күнүгэр Оһуокай уопсастыбатын өрөбүл аайы буолар Кыайыы Оһуокайа үрдүк таһымнаахтык…