Өймөкөөннөр быыбарга бэлэмнэнэллэр

Быйыл, балаҕан ыйын 14 күнүгэр – Биир кэлим куоластааһын күнүгэр анаммыт Муниципальнай быыбарга бэлэмнэнии бара турар.

Халаантан эмсэҕэлээбит Өймөкөөн улууһугар эмиэ бэлэмнэнии үлэтэ салҕанар. ГАС «Выборы» систиэмэтин администратора Максим Оконешников иһитиннэрбитинэн:

«Өймөкөөн сэлиэнньэтигэр Биир кэлим куоластааһын күнүгэр олохтоох дьаһалта баһылыгын уонна нэһилиэк дьокутааттарын сэбиэтин быыбардара буолуохтара. Айылҕа содулуттан үөскээбит уустук балаһыанньаҕа кииодэрбит да, 440 №-дээх учаастактааҕы быыбардыыр хамыыһыйа (бэрэссэдээтэл Аксинья Владимировна Гермогенова), быыбардыыр сокуоннарга сөп түбэһиннэрэн, быыбары тэрийиигэ боломуочуйаламмыт хамыыһыйа быһыытынан, быыбарга сыһыаннаах бары процедуралары ыыта олорор. Хандьыдааттар кэлэн бэйэлэрин кандидатурадарын туруоруналлар уонна регистрацияланаллар. Нэһилиэккэ дохсун ардахтартан тахсыбыт халаан содулун туоратыы уонна чөлүгэр түһэрии үлэлэрэ бара тураллар».