Хаартыска: СӨ Нэһилиэнньэ олоҕор куттал суох буолуутун хааччыйар министиэристибэ пресс-сулууспата.
Бу күннэргэ Өймөкөөн нэһилиэгэ от ыйынааҕы улахан халаан кэнниттэн уһун ардахтан сылтаан, аны атырдьах ыйыгар иккистээн ууга барда.
Өрүү буоларын курдук, эмиэ бастакынан Саха сирин быыһааччылара Өймөкөөҥҥө тиийэн үгүс өрүттээх үлэни ыыта сылдьаллар. Олохтоохтор кинилэргэ махталлара муҥура суох. Бу туһунан Өймөкөөн улууһун бочуоттаах олохтооҕо, педагогическай үлэ бэтэрээнэ Анастасия Васильева нэһилиэгин социальнай ситимигэр суруйда:
— Быйыл Өймөкөөҥҥө хаһан да кэлбэтэх улахан уу иккитэ утуу-субуу кэлэн, улахан хоромньуну оҥордо. Олорор дьиэлэрбитин, суолбутун, муосталарбытын, хотоннорбутун алдьатта — айылҕа иэдээниттэн эмсэҕэлээбэтэх ыал да ордубата. Бу уустук кэммитигэр СӨ Быыһыыр сулууспатын үлэһиттэрэ иккис сырыыларын кэлэн, күүс-көмө буола сылдьаллар. Бүгүн Сарыал Гуляев уонна Прокопий Горохов кэлэн, хотоммут күрүөтүн уу суурайан, сүөһүлэрбитигэр сири дириҥник дьөлө хаһан, кутталы үөскэппитигэр, анал хахханы оҥоро оҕустулар. Уолаттар сатаабатахтара диэн суох эбит. Бу тутталлара-хапталлара түргэнэ, толкуйдуу-тобула охсон, киһи астынар гына үлэлииллэр. Элбэхтэ ыксаллаах, күчүмэҕэй түгэннэргэ сылдьыбыттара, улахан уопуттаахтара көстөр. Уолаттарбар махталым муҥура суох улахан. Бу уустук, эппиэттээх үлэлэригэр ситиһиилэри, кытаанах доруобуйаны, тус олохторугар дьолу, өрүү бу курдук уустук балаһыанньаҕа түбэспит дьоҥҥо-сэргэҕэ күүс-көмө буола, санааларын көтөҕө сылдьаргытыгар баҕарабын!
Ити курдук, ханнык да ыксаллаах түбэлтэҕэ «Быыһыыр сулууспа уолаттара тиийбиттэр үһү» диэн сураҕы иһиттибит да, холкутуйа түһэбит. «Ол аата сотору кэминэн барыта этэҥҥэ буолуо…» дии саныыбыт. Өрүү инники күөҥҥэ сылдьар, ыксаллаах түгэҥҥэ эрэли үөскэтэр өрөспүүбүлүкэтээҕи быыһыыр сулууспа үлэһиттэригэр барҕа махталбытын тиэрдэбит!
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…