Бу күннэргэ Өймөкөөн улууһун баһылыга Иннокентий Сивцев Томтор нэһилиэгэр Үрэх Төрдүгэр тутулла турар «Салгын Кут» историческай эбийиэги тутуу хаамыытын билистэ.
Бу туһунан баһылык Иннокентий Сивцевтэн үлэ хайдах баран эрэрин туһунан санаатын үллэстэригэр көрдөстүбүт.
— Хомойуох иһин, үлэ хаамыыта олох бытаан. Үрэх Төрдүгэр турар саха улуу бөлүһүөгэ Алексей Кулаковскай-Өксөкүлээх Өлөксөй туруорбут сэргэлэрин, Өксөкүлээх өр кэмҥэ Сыромятниковтарга олорбут балаҕанын көрөөрү үгүс ыалдьыт, чуолаан, бу сиртэн Олоҥхо ыһыаҕын көрөн-истэн, билсэн саҕалыаҕа. Бэдэрээччит «Республика-2007» ХЭУо (сал. Г.С. Винокуров) үлэтэ олус бытаан эбит.
Онон Томтор нэһилиэгин олохтоох салалтата сакаасчыт быһыытынан бу үлэни кытаанах хонтуруолга ыллаҕына табыллар, — диэн бэлиэтээтэ баһылык.
Олоҥхо ыһыаҕар бэлэмнэнии чэрчитинэн улуус баһылыга Иннокентий Сивцев бу күннэргэ улуус нэһилиэктэринэн сылдьан, олохтоохтору, уопсастыбанньыктары кытта көрсөн кэпсэтиэҕэ, сүбэлэһиэҕэ. Ол курдук, баһылык көрсүһүүтэ сэтинньи 12 күнүгэр – Төрүккэ, сэтинньи 13 күнүгэр — Сордоҥнооххо, сэтинньи 14 күнүгэр – Үчүгэйгэ, сэтинньи 15 күнүгэр – Өймөкөөҥҥө, сэтинньи 16 күнүгэр – Томторго сылдьыаҕа. Баһылык оробуочай сырыытыгар улуус тутаах тэрилтэлэрин салайааччылара кыттыыны ылыахтара.
Соторутааҕыта улуус баһылыгын Олоҥхо ыһыаҕар бэлэмнэниигэ эппиэттээх бэрэстэбиитэлэ Никифор Протопопов уонна улуустааҕы тыа хаһаайыстыбатын управлениетын салайааччыта Руслан Атласов нэһилиэктэринэн сылдьан, Олоҥхо ыһыаҕар аһынан-үөлүнэн кыттыһыы боппуруоһун дьүүллэстилэр. Ол курдук, эт уонна үүт астарынан, балыгынан, куобаҕынан, куһунан, сир аһынан уо.д.а. аһы-үөлү хааччыныыга сыһыаннаах боппуруостары тула кэпсэтии буолла. Уопсай сүбэ мунньахха төһө кээмэй бородууксуйаны хомуйуохха сөбүн сүбэлэстилэр. Онтон олунньуга-кулун тутарга анал хамыыһыйа нэһилиэктэртэн хомуллубут аһы-үөлү Эбэ Хайатыгар муус штольняҕа (хаһан киириигэ) угуоҕа.
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…
Ыам ыйын 11 күнүгэр «Саханефтегазсбыт» АУо Усть-Кут куоракка «Петр Бекетов» бастакы суудунаҕа уматыгы тиэйэн, Ленскэй…
Саха режиссердара Степан Бурнашев уонна Дмитрий Давыдов Каннатааҕы бэстибээл чэрчитинэн ыытыллар Producers Network бырагыраамаҕа кыттыахтара.…
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллыаҕа. Суолталаах тэрээһин "Ытык…