Хаартыска: Тамара Винокурова тиксэриитэ.
Бу күннэргэ Дьокуускайга Тымныы полюһун Өймөкөөн улууһун землячествотын актыыбын мунньаҕар кулун тутарга буолаары турар өрөспүүбүлүкэ табаһыттарын сийиэһигэр бэлэмнэнии боппуруоһун ырыттылар.
Бу туһунан педагогическай үлэ бэтэрээнэ, улуустааҕы “Хотугу сардаҥа” хаһыат уопсастыбаннай кэрэспэдьиэнэ Тамара Винокурова маннык иһитиннэрдэ:
— Сүбэ мунньахха улуус баһылыгын бастакы солбуйааччы Алексей Федотов, Үчүгэй уонна Сордоҥноох нэһилиэктэрин баһылыктара Семен Аммосов уонна Альберт Вензель кыттыыны ыллылар.
Кулун тутар 18-20 күннэригэр Дьокуускайга ыытыллыахтаах табаһыттар сийиэстэригэр улууска туох бэлэмнэнии үлэтэ бара турарын баһылыгы бастакы солбуйааччы Алексей Федотов сырдатта. Кини куоракка олорор биир дойдулаахтар бу суолталаах тэрээһиҥҥэ кыттан, өйөбүл буолалларыгар ыҥырда. Ол курдук, тордоҕу, балаакканы уонна баннердары туруорууга, ас астааһыҥҥа, ыалдьыттары көрсүүгэ, быыстапканы тэрийиигэ, түһүлгэни киэргэтиигэ күүс-көмө наадатын бэлиэтээтэ. Улуустан сийиэскэ кэлэр табаһыттар испииһэктэрэ бэлэм эбит.
Үчүгэй нэһилиэгин баһылыга Семен Аммосов “Өймөкөөн улууһа табатын ахсаанынан өрөспүүбүлүкэҕэ 6-с миэстэҕэ сылдьарын бэлиэтээн туран, “буолаары турар тэрээһиҥҥэ кыахпыт тиийэринэн кыттыахпытын наада. Сүрүн тэрээһин Сайсары күөлгэ ыытыллар” диэн эттэ.
Маны тэҥэ, землячество сыллааҕы үлэтин кытта билиһиннэрии кэнниттэн 2025 сыл бастакы аҥарыгар үлэ былаанын ылынныбыт. Тыл эппит дьон киин куоракка землячество үлэлииригэр офис, «Үс Хатыҥҥа» ыһыахха түмсэр түһүлгэ өрөмүөнү эрэйэрэ, үлэлиир уонна үөрэнэр ыччаты салайар, түмэр, көҕүлүүр лиидэр наадатын бэлиэтээтилэр. Мунньах түмүгэр ыччаттары түмэр инниттэн хас биирдии нэһилиэктэн киирбит бэрэстэбиитэллэртэн актыып оҥорон, олор истэриттэн ыччат лиидэрин таларга быһаарыы ылынныбыт.
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…