Хаартыска: Марианна Сивцева тиксэриитэ.
Бу күннэргэ Өймөкөөн улууһун нэһилиэктэрэ ууга баран, ыарахан балаһыанньаҕа олороллорун бука бары истэ-көрө сылдьабыт.
Ол иһин Кэбээйи улууһун Сииттэ нэһилиэгэр «Норуот күүһэ — көмүөл күүһэ! » аһымал марафон буола турар. Бүгүҥҥү күҥҥэ үтүө сүрэхтээх дьон көмөтүнэн, ону тэҥэ дьаарбаҥкалыын барыта холбоон 25000 солк. харчы киирдэ. Дьаарбанкаҕа кыттыбыт нэһилиэкпит үтүө-мааны хаһаайкаларыгар ис сүрэхтэн барҕа махталбытын тиэрдэбит. Күүс-көмө буолан харчынан ыыппыт бар дьоммутугар эмиэ истиҥ, улахан махтал. Эһиги оҥорбут үтүөҕүт сүүс төгүл бар дьоҥҥутугар үтүөнэн эргийдин диэн алгыс баһын сыалыыбыт.
Манан тэрээһиммит бүппэтэ, оҕолорбутугар кыра “Дыгын оонньуутун” күрэхтэһиитин тэрийэн сэргэхситтибит. Барыта 19 оҕо сүүрүүгэ, таас көтөҕүүтүгэр күрэхтэстилэр. Куоталаһыы сүрүн спонсордарынан олохтоох култуура дьиэтин үлэһиттэрэ, олохтоох урбаанньыттар Ольга Левина, Софья Николаева буоллулар. Кинилэргэ эмиэ тэрийээччилэр ааттарыттан махталбытын тиэрдэбит. Чахчы да «Норуот күүһэ — көмүөл күүһэ!” диэн өбүгэлэрбит мээнэҕэ эппэтэхтэр. Аһымал марафон билигин да салҕана турар.
Марианна Сивцева.
Болуодьа үлэтиттэн кэлээт, кураанах оҥойон турар оронугар сууллан түстэ. Дьэ буоллаҕа, Иирэтэ эмиэ ханна эрэ…
Балаҕан ыйын 12 күнүгэр ИДьМ Жатайдааҕы полициятын дьуһуурунай чааһыгар, Жатай бөһ. Севернай уулуссаҕа эдэр ыччаттар…
«Воин» киин өрөспүүбүлүкэҕэ ыытыллар Бүтүн Арассыыйатааҕы байыаннай-тактическай «Путь Воина» күрэхтэһиитин түмүктүүр түһүмэҕин ыытыы бэлэмин бэрэбиэркэлээтилэр.…
Балаҕан ыйын 13 күнүгэр Үөһээ Бүлүү улууһун Н.А. Золотарев аатынан Боотулуу орто оскуолатыгар сылын ахсын…
Дьокуускай куоракка анал дьупулуомнаах уонча остеопат-быраас баарыттан биирдэстэринэн травматолог-быраас, ортопед, остеопат уонна мануальнай терапевт Иван…
Бүгүн быыбардыыр учаастактарга элбэх ыччат кэлэн гражданскай иэстэрин толордулар. Бу хаартыскаларга өрөспүүбүлүкэбит араас улуустарыгар быыбардыыр…