Хаартыска: ааптар тиксэриитэ
Кулун тутар 16 күнүттэн «ХVI Олоҥхо ыһыаҕа Өймөкөөҥҥө: Айыы санаа айана» билим-методическай кэмпириэнсийэ саҕаламмыта. Сарсыарда 9 чааска тэрээһиҥҥэ кэлбит 200-тэн тахса ыалдьыт, тэрийээччилэр, олохтоохтор Томтор орто оскуолатыгар лыык курдук муһуннулар. Успуорт киэҥ саалатыгар уус-уран оҥоһуктар быыстапкалара тэриллибит: манна сувенир эгэлгэтэ, үрүҥ көмүһүттэн саҕалаан быһаҕар тиийэ баар. Атын улуустартан эмиэ кэлитэлээбиттэр. Ол сылдьан Кэнтик уустарын көрүстүбүт.
Уус Ньара баһылыга Иван Егорович Максимов эппитинэн, Өймөкөөҥҥө төрүт култуураҕа төннүү, сэргээһин кэнники 10-15 сылга эрэ улааппыт, онон билбэттэрэ-көрбөттөрө олус элбэҕин туһунан эттэ. Улуус үрдүнэн саха ахсаана 2,5 тыһыынча эрэ курдук эбит. Сэттэ нэһилиэктэн саамай улаханнара — 1 тыһыынча нэһилиэнньэлээх Томтор. Сордоҥноох, Өймөкөөн, Төрүт нэһилиэгин баһылыктара эмиэ олус көхтөөхтүк кытыннылар.
Иван Семенович биһикки кымыс иһиитин сиэрин-туомун арыйан кэпсээтибит. Өймөкөөн улууһугар биэни ыаһын умнуллубут дьарык эбит. Ону Олоҥхо ыһыаҕар диэри сөргүтэр сорук турар. “Ытык ыһыахха биэ үүтүттэн оҥоһуллубут кымыһынан Айыылары, сири-уоту күндүлээтэххэ ыһыах соруга ситэр”, — диэн санааны тиэртибит, ону ылыннылар. Ол курдук, ыһыах биир тутаах тутулун — кымыс иһиитин үгэһин уонна тэрээһинин үөрүйэхтэрин туһунан кэпсээтибит.
Борис БОРИСОВ, ааптар тиксэрбит хаартыскалара
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…
Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…
Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…
Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…