Хаартыска: Саха сиринээҕи Быыһыыр сулууспата
Саха сиринээҕи ЫБМ бөртөлүөтэ Өймөкөөн улууһугар 12 олохтооҕу илдьэ көттө, кинилэртэн уона –ардах халаанын уутун кэнниттэн Дьокуускай куорат лааҕырдарыгар сынньана ыытыллыбыт оҕолор.
Оҕолору төрөппүттэрин уонна улуус дьаһалтатын көрдөһүүтүнэн дьиэлэригэр көтүттүлэр. Бу туһунан атырдьах ыйын 27 күнүгэр Саха сиринээҕи Быыһыыр сулууспатын ТГ-ханаала иһитиннэрэр. Манна араас дьиэ кэргэнтэн: элбэх оҕолоох, кыаммат дьиэ кэргэттэр уонна байыаннай сулууспалаахтар оҕолоро сынньана кэлбиттэрэ. Кинилэргэ биирдиилээн да, бөлөҕүнэн да психологическай көмө оҥоһуллара көрүллүбүтэ.
Ону таһынан бөртөлүөккэ Мииринэй улууһуттан гуманитарнай көмөнү тиэйдилэр: 550 киилэ таҥас-сап уонна ас-үөл, 18 киилэ эмп-томп. Төттөрү бу бөртөлүөтүнэн Дьокуускайга Өймөкөөн улууһугар үлэлээбит быыһааччылар төннүөхтэрэ. Кинилэр олохтоохторго дьиэ муостатын көтүрүүгэ, малларын куурдууга, таһаҕаһы уонна аһы-үөлү тиэрдиигэ көмөлөспүттэрэ. Улууска ардахтан халаан уута намтаан эрэр: атырдьах ыйын 27 күнүн сарсыардааҥы туругунан, Өймөкөөн сэлиэнньэтин аттыгар уу таһыма 420 см этэ, оттон кутталлаах кирбиитэ – 480 см.
Тохсунньу томороон тымныыта түһэн турар. Баччаларга Саха сирин үрдүнэн таҥха кэмэ саҕаланар, сүллүүкүүттэр тахсаллар. Аныгы кэмҥэ ким да кинилэри илэ көрбүтэ суох эрээри, дьэ хата кимнээҕэр дьон олоҕор “орооһоллор” үһү. …
Горнай улууһугар Атамай орто оскуолатыгар үөрэнээччилэр кыһыҥҥы сынньалаҥнарын кэмигэр устудьуоннары кытта истиҥ-иһирэх көрсүһүү буолла. Биһиги…
Байыаннай дьайыыга тыһыынчанан миэдик үлэлиир. Олортон биирдэстэринэн байыаннай дьайыы кыттыылааҕа, миэдик идэлээх, «За отвагу», «Спасение…
Үүммүт 2026 сылга Саха сиригэр үлэ төлөбүрүн алын кээмэйэ (МРОТ) уонна тиийинэн олоруу алын кээмэйэ…
Ааспыт сууккаҕа Саха сиригэр буруйу оҥоруу сэттэ түбэлтэтэ бэлиэтэммит. Бу туһунан СӨ Борокуратууратын пресс-сулууспата иһитиннэрэр. Ол…
РФ бэрэсидьиэнэ Владимир Путин 2026 сылы Арассыыйа норуоттарын сомоҕолоһууларын сылынан биллэрбитэ. Саха Өрөспүүбүлүкэтигэр биллэриллибит Култуура…