Хаартыска: Александр Оконешников ТГ-ханаалыттан.
Бу күннэргэ Өймөкөөн улууһун дэлэгээссийэтэ анал байыаннай дьайыыга кытта сылдьар биир дойдулаахтарын кытта көрсө сылдьар.
Ол курдук, улуус баһылыга Александр Оконешников, Мунньаҕын Сэбиэтин дьокутаата Андрей Стефанчугу уонна Өймөкөөн нэһилиэгин баһылыгын солбуйааччы Павел Дягилевы кытта бойобуой дьайыыга туттуллар тепловизордары, квадрокоптердары уонна да атын наадалаах бойобуой тэриллэри Өймөкөөн улууһуттан сылдьар байыастарга тиийэн туттардылар.
— Биир дойдулаахтарбытыттан 30-ча араас сайаапканы хомуйбуппут уонна ол сакаастарын атыылаһан илдьэн биэрдибит. Улуус олохтоохторун аатыттан Өймөкөөн оройуонун көмүс хостуур тэрилтэлэригэр анал байыаннай дьайыыга кытта сылдьар ыччаттарбытын өрүү өйүүллэригэр истиҥ махталбын тиэрдэбин. Сыл саҕаланыаҕыттан байыаннай дьайыыга сылдьар ыччаттарга аналлаах улуустааҕы пуондаҕа көмүсчүттэр тустаах үбүнэн көмөлөһөллөр. Маны таһынан, ис сүрэхпиттэн улууһум олохтоохторугар, бары тэрилтэлэргэ уонна урбаанньыттарга байыаннай дьайыы зонатыгар хас былааннаммыт сырыы аайы өрүү харчынан өйүүллэригэр барҕа махталбын тиэрдэбин. Уолаттарбыт биир дойдулаахтарыгар өйөбүллэрин иһин эмиэ кинилэр махталларын тиэрдэрбэр эттилэр, — диэн санаатын үллэһиннэ баһылык Александр Оконешников бэйэтин телеграм-ханаалыгар.
Биллэн турар, ыраах төрөөбүт Өймөкөөннөрүттэн илгийэр сылаас тыын уолаттар дууһаларын угуттуура чахчы.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …