Салгыы
Балет оскуолатын үөрэнээччитэ Эйнара Таркова куонкуруска Арассыыйа чиэһин көмүскүөҕэ

Балет оскуолатын үөрэнээччитэ Эйнара Таркова куонкуруска Арассыыйа чиэһин көмүскүөҕэ

05.04.2023, 10:00
СӨ Бырабыыталыстыбатын пресс-сулууспатын хаартыската
Бөлөххө киир:
Саха сирин балетын оскуолатын 13 саастаах үөрэнээччитэ Эйнара Таркова Казахстаҥҥа ыытыллар норуоттар икки ардыларынааҕы VIII «Орлеу»бэстибээл куонкуруһугар кыттыаҕа. Куонкурус муус устар 4-10 күннэригэр Алма-Ата куоракка буолуоҕа.

Куонкурус сыала-соруга — хореографическай оскуолалар уонна училищелар уопуттарын атастаһыы уонна үөрэнээччилэр ситиһиилэрин көрүү, эдэр талааннары арыйыы буолар.

Ол курдук куонкурус үс номинациялаах: «классическай үҥкүү», «норуот уус-уран айымньыта, норуот истиилинэн үҥкүү», «аныгы хореография». Мантан Саха сирин оҕото классическай үҥкүү көрүҥэр кыттыаҕа.

«Эйнара оскуолабыт бастыҥ үөрэнээччитэ буолар. Казахстаҥҥа кини Саха сирин эрэ буолбакка, бүтүн Арассыыйа чиэһин көмүскүөҕэ. Биһиги Эйнаранан киэн туттабыт уонна кини ситиһиилээхтик кыттарыгар баҕарабыт», — диэн  Саха сирин балетын оскуолатын дириэктэрэ Дария Дмитриева санаатын үллэстэр.

Эйнара Таркова — классическай үҥкүүгэ алын сүһүөх бөлөххө Улан Удэҕэ ыытыллыбыт норуоттар икки ардыларынааҕы III хореографическай куонкуруска быйыл кулун тутар ыйга 2-c истиэпэннээх лауреат аатын ылбыта.

Эдэркээн балеринаны куратора, үҥкүүгэ уһуйааччы учуутала Жанна Попова арыаллыаҕа.

«Орлеу»  бэстибээл чэрчитинэн, Алма-Ата куоракка научнай-чинчийэр кэмпириэнсийэлэр, маастар-кылаастар ыытыллыахтара.

«Орлеу» диэн хореографическай үөрэх кыһаларын норуоттар икки ардыларынааҕы куонкуруһа 2008 сыллаахха  Алма-Ата куораттааҕы А.Селезнев  аатынан хореографическай училище уонна Евразия култууратын пуондатынан олохтоммута.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
14 июля
  • 21°C
  • Ощущается: 21°Влажность: 68% Скорость ветра: 1 м/с

Сообщить об опечатке

Текст, который будет отправлен нашим редакторам: