Дойдубутугар бүгүҥҥү уустук быһыы-майгы кэмигэр анал байыаннай эпэрээссийэҕэ сылдьар саллааттарбыт уонна кинилэр дьиэ кэргэттэрэ биир дойдулаах дьоннорун сылаас сыһыанынан, истиҥ көмөтүнэн, өрүһүйэр өйөбүлүнэн кыайыыга, эйэлээх олоххо бигэ эрэллээхтэр. Бу туһунан Дьааҥы улууһун муниципальнай тэриллиитин дьокутааттарын Сэбиэтин бэрэссэдээтэлэ Екатерина Ноговицына кэпсээтэ.
— СӨ Ил Дарханын “Быстах хомуурга ыҥырыллыбыттарга көмөлөһүү дьаһалларын туһунан” анал ыйааҕар олоҕуран, Дьааҥыттан анал байыаннай эпэрээссийэҕэ ыҥырыллыбыт дьоммутугар 100-түү тыһыынча солкуобай төлөнөр, бааһырыы ыллахтарына, эмтэнэллэригэр анал хамыыһыйа быһаардаҕына, кинилэргэ 500 тыһыынча солкуобайга тиийэ бэриллиэн сөп. Бу дьоммут дьиэ кэргэттэригэр көмөнү оҥорууга куратордар сыһыарыллыбыттара. Онон хас биирдиилэригэр эппиэттээх тэрилтэлэр, салайааччылар үлэлии сылдьаллар. Анал пуондаҕа ый аайы улуус кэлэктииптэрин үлэһиттэрэ биир күннээҕи хамнастарын киллэрэллэр. Хас биирдии нэһилиэк байыаннайдарбытын өйүүр аахсыйалары, аһымал кэнсиэртэри ыыталлар. Ол түмүгэр киирбит үбү хамыыһыйанан быһааран, анал байыаннай эпэрээссийэ кыттыылаахтарыгар ыыта турабыт.
Улууспут дьахталларын, бары ийэлэрин, кэргэттэрин уопсастыбаннай түмсүүлэрэ сылаас таҥаһы тигэн, хомуйан ыыталлар. Оскуола оҕолоро «Саллаакка сурук» аахсыйатыгар кытталлар. Бу күннэргэ саллааттар оҕолоругар анаан «Амарах санаа харыйатын» аахсыйатыгар көхтөөхтүк кытта сылдьабыт.
Саллааттарбыт дьонноругар мастарын, ууларын хааччыйыыга ыытыллыбыт уонна ыытыллар аһымал аахсыйаларын биир дойдулаахтарбыт күүскэ өйүүллэр. Мобилизацияҕа сылдьар уолаттардаах дьиэ кэргэттэргэ уонна Ийэ сылынан оскуола аҕаларын «Аҕа сүбэтэ» түмсүү аатыттан «Байанай бэлэҕэ» диэн аахсыйаны ыытаммыт, Ийэ дойдуну таптыыр, харыстыыр, хорсун санаалаах эр хоһуун уол оҕону иитэн таһаарбыттарыгар махтанан туран, сэмэй бэлэхтэрбитин туттардыбыт.
Бу курдук анал байыаннай эпэрээссийэҕэ сылдьар саллааттарбыт уонна кинилэр дьиэ кэргэттэрэ дьон сылаас сыһыанынан, истиҥ көмөтүнэн, өрүһүйэр өйөбүлүнэн кыайыыга, эйэлээх олоххо бигэ эрэллээхтэр, — диэн Екатерина Ноговицына кэпсээтэ.
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …
ИДьМ Дьокуускайдааҕы салаатын полиция 1-кы нүөмэрдээх отделыгар куорат олохтооҕо чааһынай дьиэтиттэн 66 тыһ. солк. суумалаах…
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…