Ааптар хаартыската
Тыа хаһаайыстыбатын оҥорон таһаарааччыларын сийиэһэ бүгүн пленарнай мунньаҕынан түмүктэннэ. Элбэх дэлэгээт кытынна.
Олортон биирдэстэринэн Үөһээ Бүлүү улууһун Мэйик нэһилиэгин бааһынай хаһаайыстыбатын баһылыга Екатерина Спиридонова буолар. Кини бэйэтин үлэтин-хамнаһын, сиийэс туһунан маннык кэпсиир:
— Биһиги аҕабыт, Мэйик нэһилиэгин бочуоттаах олохтооҕо, СӨ тыатын хаһаайыстыбатын туйгуна Март Афанасьевич Яковлев 1997 с. аймаҕынан тэрийбит бааһынай хаһаайыстыбатын 2021 сылтан тутан салайабын. Сүрүннээн ынах сүөһүнү иитиинэн дьарыктанабыт, онно эбии сылгылардаахпыт. Үүппүтүн улуустааҕы кииннэммит сыахха, ас кэмбинээтигэр дуогабарынан туттарабыт.
Билиҥҥитэ ханнык да граны, судаарыстыба өттүттэн көмөнү туһана иликпит, барыта бэйэбит күүспүтүнэн үлэлиибит. Биһиги нэһилиэкпитигэр барыта 13 бааһынай хаһаайыстыба баар уонна биир грант ылбыт «Сайылык» СХПЖК үлэлиир. Ону таһынан кэтэх сүөһүлээхтэр, сылгылаахтар элбэхтэр.
Бу сийиэскэ мин икки блокка, сэминээр-үөрэххэ сырыттым, ол түмүгэр арыы сыаҕын туһанан кэпэрэтиип тэрийэн, үүт бородууксуйатын астааһыны сайыннарыахха баар эбит диэн санаа киирдэ. Сийиэс үөрэтэр сэминээрдэриттэн элбэҕи биллибит, үлэбитигэр туһаныахпыт. Бэйэм бааһынай хаһаайыстыба эрээрибин СПОК хайысхатыгар сырыттым, ол эмиэ интэриэһинэй. Ол гынан баран бааһынай хаһаайыстыба хайысхатынан сылдьыбатым диэн хомойдум, тоҕо диэтэххэ, бары блоктар тэҥинэн бараллара эмиэ даҕаны табыгаһа суох курдук эбит. «Агроконтроль» тыа хаһаайыстыбатын кэпэрэтиибинэй бэрэбиэркэлиир сойууһун бэрэсидьиэнэ Андрей Морозов бэйэтин баҕа санаатын Ньургуйаана Скрябинаҕа, бааһынай хаһаайыстабалары туспа түмэн, үөрэтэр сэминээри ыытараргыт буоллар диэн эттэ. Ити үөрэх-сэминээр олоххо киирэрэ буоллар, бааһынай хаһаайыстыбалар салайааччыларыгар олус туһалаах буолуох этэ.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…