Экэниэмикэ миниистирэ Петр Попов «Тэтим» араадьыйа биэриитигэр кыттыаҕа
31.01.2025, 10:10
Хаартыска: СӨ Ил Дарханын уонна бырабыыталыстыбатын пресс-сулууспата
Бөлөххө киир:
Бүгүн, тохсунньу 31 күнүгэр, «Тэтим» араадьыйа быһа эпииригэр СӨ экэниэмикэтин миниистирэ Петр Попов кыттыыны ылыаҕа.
«Диалог с властью» биэрии араадьыйа FM 107,1 долгунугар 13:05 чааска тахсыаҕа.
Миниистир араадьыйаҕа 2024 сыллааҕы үлэни уонна 2025 сылга былааннар тустарынан билиһиннэриэҕэ. Маны таһынан, Петр Попов Саха сиригэр инвестиция тосхоллорун тупсарыыга туох үлэ барарын Ил Дархан Айсен Николаев стратегическай ыйаахтара туолууларын кэпсиэҕэ. Устуудьуйа ыалдьыта өрөспүүбүлүкэҕэ олохтоох бэйэ оҥорон таһаарыытын сайдыытын, эрэгийиэннээҕи сокуону олоххо киллэрии чэрчитинэн ситиһиллибит көрдөрүүлэри эмиэ билиһиннэриэҕэ. Биэриигэ миниистир Арассыыйа бэрэсидьиэнэ Владимир Путин быһаарыытынан 2020 сылтан оҥорон таһаарыыга туһуламмыт национальнай бырайыагы олоххо киллэрии туһунан кэпсиэҕэ.
Араадьыйаны истээччилэр бэйэлэрин ыйытыыларын устуудьуйа маннык нүөмэрдэригэр эрийэн биэриэхтэрин сөп: 8 (4112) 32-00-66 уонна 32-11-66.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: