Экэниэмикэ миниистирэ аэропуорка саллааты көрүстэ

СӨ экэниэмикэҕэ миниистирэ Майя Данилова Дьокуускай аэропордугар анал байыаннай дьайыыттан эргиллибит саллааты көрүстэ.

Дьоруойу кэргэнэ Алена, кыыһа Карина уонна Хабаровскайга кинини көрбүт-истибит волонтера көрүстүлэр.

Миниистир Семеҥҥа анаан алаадьы астаабыт уонна киниэхэ, дьиэ кэргэнигэр көрүллэр миэрэлэри, чэпчэтиилэри сиһилии кэпсээтэ.

Саллаат бааһыран дойдутугар төннүбүт. Онон манна кини чөлүгэр түһүөҕэ, эмтэниэҕэ.

Саллаат кэргэнэ Алена маннык кэпсиир:

«Мин эрим — дойдутун патриота. Ааспыт сыл бэс ыйыгар дьайыыга кыттарга санаммыта. Биһиги икки оҕолоохпут. Сотору кэминэн Семен төрөппүттэрэ Өймөкөөнтөн кэлиэхтээхтэр. Бары кинини олус күүппүппүт, кэлбитигэр үөрдүбүт».

Бу туһунан Майя Данилова Телеграм-ханаалыгар иһитиннэрдэ.