Саха сирин экэниэмикэ үүнүүтүн кииннэрин социальнай сайдыыларын былаанын чэрчитинэн 2026 сылга 11 тэрээһини олоххо киллэриигэ 1,9 млрд солкуобай көрүлүннэ.
Бу туһунан Арассыыйа Уһук Илин уонна Арктика сайдыытын миниистирин солбуйааччыта Эльвира Нургалиева бэрэссэдээтэлистинэн ыытыллыбыт, Уһук Илин федеральнай уокуругар киирэр РФ субъектарын экэниэмикж үүнүүтүн кииннэрин социальнай сайдыыларын былааннарын 2026 сылга толоруу боппуруостарыгар анаммыт мунньахха, эрэгийиэн бырабыыталыстыбатын бэрэссэдээтэлин бастакы солбуйааччыта Дьулустаан Борисов иһитиннэрдэ.
«Уһук Илин федеральнай уокуругун социальнай-экэкэнмиичэскэй сайдыыта» судаарыстыбаннай бырагыраама Уһук Илин олохтоохторун олоҕун хаачыстыбатын тупсарыыга туһуланар уонна эрэгийиэннэринэн Биир кэлим бэрэсидьиэн субсидиятын суотугар олоххо киллэриллэр.
СӨ Ил Дархана Айсен Николаев бэлиэтээбитинэн, 2018-2025 сыллар усталарыгар Биир кэлим бэрэсидьиэн субсидиятын чэрчитинэн федеральнай үптэн 19,1 млрд солк. тахса үп-харчы үбүлэммитэ уонна тардыллыбыта. 22 тэрээһин ситиһиилээхтик түмүктэннэ, 11 социальнай суолталаах эбийиэк тутулунна, ол иһигэр Уһук Илиҥҥэ саамай үрдүкү технологиялаах Кардиология киинэ уонна Уһук Илиҥҥэ соҕотох «Үлэ кыбаартала» креативнай кластер.
207-тэн тахса тиэргэн тупсарылынна, доруобуйа харыстабылын эбийиэктэрэ уонна орто анал үөрэх кыһаларын мастарыскыайдара саҥардылла тураллар, оскуола спортивнай саалалара тутулуннулар, Уһук Илин концессиятын тэрээһиннэрэ үбүлэнэллэр, «Саха сирэ» ТОР инфраструктурата олохтонор.
«2026 сылга Саха Өрөспүүбүлүкэтин экэниэмикэ үүнүүтүн кииннэрин социальнай сайдыыларын былааныгар сөп түбэһиннэрэн Нерюнгритааҕы киин оройуон балыыһатын улахан дьоҥҥо аналлаах поликлиникатыгар, балыыһа комплексыгар уонна суһал мэдиссиинэ көмөтүн салаатыгар хапытаалынай өрөмүөн ыытыллыаҕа уонна тэрил ылыллыаҕа, идэлээх үөрэхтээһин тэрилтэлэригэр 7 аныгы мастарыскыай тэриллиэҕэ, «Муравьев-Амурский 2030» бырагыраама выпускниктарыгар анаан маневреннай олорор дьиэ пуондата атыылаһыаҕа, тиэргэннэр тупсарыллыахтара, «Сиинэ очуостара» экологическай бааза туристическай инфраструктуратын оҥоруу бырайыага уонна «Патриотическай» ТОР тэрээһинэ олоххо киириэҕэ, ону таһынан Нерюнгри куоракка 500 миэстэлээх төгүрүк сыл үлэлиир оҕо лааҕырын тутуута саҕаланыаҕа, Дьокуускай куоракка Уһук Илиҥҥи элбэх өҥнөнү оҥорор киинэ павильонун бырайыагын докумуона оҥоһуллуоҕа, уонна Абый улууһун Үрүҥ Хайа бөһүөлэгэр 176 үөрэнээччилээх гимназияҕа саҥа дьиэ тутуута салҕаныаҕа», — диэтэ Дьулустаан Борисов.
Алдан оройуонун ИДьМ отделын силиэстийэлиир салаатын силиэдэбэтэлинэн Алдан олохтооҕун баан счетыттан харчы уоруллубут чахчытынан холуобунай…
Бүгүн патриотическай иитиигэ быһаччы үлэлии сылдьар дьон, кэлэктииптэр, оскуола, тэрилтэлэр үлэһиттэрэ, араас хамсааһыннар чилиэннэрэ «Патриот»…
Олунньу 5 күнүгэр Саха сирин киинэ тыйаатырдарыгар «Сахафильм» хампаанньа «Күүлэй! От кэмэ» диэн дьиэ кэргэнинэн…
Холуобунай ирдэбил управлениетын оперативниктара уонна баан куттал суох буолуутун сулууспатын үлэһиттэрэ түөкүттэр уорбут харчыларын сорҕотун…
Быйыл биир кэлим эксээмэни туттарааччылар талар биридимиэккэ “былырыын бу идэҕэ маннык эксээмэннэр этэ, быйыл даҕаны…
Бүгүн, тохсунньу 30 күнүгэр, «Патриот» ыччат киинигэр Саха Өрөспүүбүлүкэтигэр патриотическай иитиигэ Анал ирдэбили оҥорууга анаммыт…