Хаартыска: доруобуйа харыстабылын министиэристибэтэ.
М.Е. Николаев аатынан 1 №-дээх өрөспүүбүлүкэтээҕи балыыһа — Национальнай мэдиссиинэ киинин репродуктивнай технологиялар отделениеларыгар экстракорпоральнай буоһатыы былааннаммыт кээмэйин улаатыннарыы салҕанар. Маннык процедураны Перинатальнай кииҥҥэ 2001 сылтан оҥорор буолбуттара.
Бу аныгы мэдиссиинэ ньымата — ЭКО процедураларын ахсаана уонна кинилэр көдьүүстэрэ биллэ үрдээбит. Холобур, 2013 сылга 60 процедура оҥоһуллубут, 2024 сылга номнуо 300 буолбута. Бу ньыма көдьүүстээх буолан, үчүгэй түмүктэрдээх: 30%-на үтүө түмүгү биэрэн, Саха сиригэр былырыын 52 оҕо төрөөбүтэ.
Быйыл саҥа национальнай бырайыактар чэрчилэринэн, быраастар өссө үрдүк сыалы туруордулар уонна 350 процедураны былааннаатылар. Кэнники 2 ый иһигэр номнуо 50-ча процедура оҥоһулунна.
“ЭКО процедуратын ааһар иннинэ, дьахталлар олорор сирдэринэн балыыһаҕа оҕоломмот буолуу төрүөттэрин быһаарарга бэрэбиэркэни ааһаллар. Онтон Перинатальнай киин репродуктивнай технология отделениетыгар «направление» ылаллар, онно быраастар ЭКО оҥорор туһунан быһаарыыны тута ылымматтар. Сыл аайы кыайан оҕоломмот буолбут дьахталлар ахсааннара элбээн иһэр, онон экстракорпоральнай оҕолонуу процедуратын элбэтэр наада», — диэн бэлиэтээтэ доруобуйа харыстабылын миниистирин солбуйааччы Татьяна Павлова.
ЭКО бырагыраамата «Дьиэ кэргэн» национальнай бырайыак үлэтин чэрчитинэн ыытыллар.
Эйэлээх олох туһугар Ийэ дойдубутун көмүскүү барбыт, сэрии толоонуттан эргиллибэтэх Аҕа дойду Улуу сэриитин кыттыылаахтарын…
Күнү-дьылы кэтээн көрөөччүлэр туох дииллэрий? Өрөспүүбүлүкэ соҕуруу, арҕаа өттүгэр сорох сиринэн кыралаан ардыа. Өрөспүүбүлүкэ арҕаа,…
Аҕа дойду Улуу сэриитигэр Кыайыы 80 сылыгар аналлаах маассабай тэрээһиннэринэн сибээстээн, Дьокуускайга ыам ыйын 8-9…
«Мамаев курган. Подвиг артиллериста» киинэ анал көрдөрүүтэ «Якутия 24» телеханаалга ыам ыйын 8 күнүгэр киэһэ…
Ыам ыйын 7 күнүгэр Дьокуускайга Улуу Кыайыы 80 сылын көрсө бырааһынньыктааҕы автопробег буолан ааста. Ааспыт…
Бу күннэргэ сааскы сылаас күннэр турбуттарынан саас кэлиитэ 3-4 суукка иннинэ эрдэлээн иһэр. Покровскай —…