Хаартыска СӨ Экологияҕа министиэристибэтин пресс-сулууспатыттан
Бүгүн, муус устар 15 күнүгэр – Экологическай билии күнүгэр, Дьокуускай куорат 2-с №-дээх политехническай оскуолатыгар үөрэнээччилэр уонна учууталлар экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Лука Сафоновы уонна Экологическай сырдатыы департаменын кылаабынай исписэлииһин Ньургуйаана Гуринованы кытары көрүстүлэр.
Тэрээһин саҕаланыытыгар оскуола салалтатын кытта экологическай бырайыактары оҥорууга бииргэ үлэлээһин боппуруостарын дьүүллэстилэр, оскуола үөрэнээччилэригэр сатыы походтары тэрийии туһунан кэпсэтии буолла диэн СӨ Экологияҕа министиэристибэтин пресс-сулууспата иһитиннэрэр.
Көрсүһүүгэ миниистири солбуйааччы Лука Сафонов Экологияҕа, айылҕаны туһаныыга уонна ойуур хаһаайыстыбатыгар министиэристибэ үлэтин-хамнаһын, ураты харыстанар сирдэр тустарынан уонна бэйэтин тус олоҕун уопутун кэпсээтэ.
Ньургуйаана Гуринова өрөспүүбүлүкэҕэ ыытыллар экологическай тэрээһиннэр уонна аахсыйалар тустарынан кэпсээтэ.
«Төрөөбүт дойдуга тапталы, айылҕаҕа уонна култуура сыаннастарыгар сыһыаран, төрөөбүт тылбытыгар, историябытыгар ытыктабылы үөскэтэн биһиги өрөспүүбүлүкэбит уонна дойдубут инники сайдыытын түстүүбүт», — диэн бэлиэтээн эттэ миниистири солбуйааччы Лука Сафонов.
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…