Хаартыска: СИА.
“Муус устар” ыччат бэстибээлин чэрчитинэн, экология хайысхатын лиидэрин таллылар. Бастакы миэстэни Күннэй Тимофеева (Чурапчы) ылла. Кини мүөттээх тигээйини иитии уонна онно ыччаты кытыннарар туһунан бырайыагы оҥорбут.
Иккис миэстэни Мэҥэ Хаҥаластан Михаил Охлопков ылла. Кини норуокка туһалыыр пластик туһунан бырайыактаах. Үһүс миэстэҕэ Надежда Харитонова (Уус Алдан) оҕолору иитиигэ тыыннаах муннугу тэрийии туһунан бырайыагынан кыттан, таҕыста.
Кыайыылаахтар федеральнай пуорумнарга баран, бырайыактарын салгыы сайыннарыахтара. Ону тэҥэ, бу куонкуруска кыттыбыт ыччаты экология министиэристибэтигэр уопсастыбаннай иниспиэктэрдэр быһыытынан мэктиэлээтилэр.
— Хас биирдии кыттааччы бэйэтин бырайыагар бэлиэтээбитинэн, билиҥҥи кэмҥэ экологическай сырдатыы үлэтэ инники күөҥҥэ тутуллуохтаах. Тулалыыр эйгэ, айылҕа дьоҥҥо дьайар күүһүн өйдөөтөхтөрүнэ, уопсастыба уларыйар, сайдар, — диэн экология, айылҕаны туһаныы уонна ойуур хаһаайыстыбатын министиэристибэтин департаменын салайааччы Владислав Велигура этэр.
Кини этэринэн, “Муус устар” ыччат бэстибээлин чэрчитинэн, экологическай хайысха иккис сылын ыытыллар. Бэстибээл ыччаты үөрэтэр, идэҕэ туһулуур сыалын-соругун толорор диэн СИА суруйар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…