Экология миниистирэ «Былааһы кытта кэпсэтии» араадьыйа биэриигэ кыттыаҕа

«Тэтим» араадьыйа «Былааһы кытта кэпсэтии» биэриитигэр Саха Өрөспүүбүлүкэтин Экологияҕа, айылҕаны туһаныыга уонна ойуур хаһаайыстыбатын миниистирэ Евгений Перфильев кыттыыны ылыаҕа. Биэрии тохсунньу 30 күнүгэр 13:05 чааска FM 107,1 долгунугар тахсыаҕа. Бу туһунан sakha.gov.ru иһитиннэрэр.

Миниистир өрөспүүбүлүкэҕэ ьахсар экология сокуонун кэһиитин туһунан иһитиннэриилэри түргэнник хомуйууга аналлаах биэдэмистибэ чот-ботун үлэтин туһунан кэпсиэҕэ. Ону таһынан, биэриигэ аракыата тобохторо түһэр оройуоннарыгар экологическай кэтээн көрүү, 2026 сылга «Кыталык көтүүтэ» бырайыак саҥа соруктара, булт хаһаайыстыбатын боппуруостара, «Күөх чэппиэр» бырайыагы олоххо киллэрии уонна ойууру сөргүтүү тиэмэлэрэ таарыллыахтара.

Быһа эпиир кэмигэр миниистир истээччилэр ыйытыыларыгар хоруйдуоҕа. Миниистиргэ устуудьуйа (4112) 32-00-66 уонна 32-11-66 төлөпүөннэринэн эрийэн ыйытыыгытын биэриэххитин сөп.

Бэлиэтээн эттэххэ, быһа эпииргэ киирбэтэх ыйытыылар биэрии кэнниттэн кыттааччыга тиэрдиллиэхтэрэ.