Экология министиэристибэтэ байыастар дьиэ кэргэттэригэр көмөлөһөр

Байыастарга, кинилэр дьиэ кэргэттэригэр өйөбүл, көмө хаһааҥҥытааҕар да наада.

Бу күннэргэ дьон-сэргэ муҥхаҕа сырытта. Күөх Боллох күндүлээбит минньигэс соботун ханна да кырдьаҕастарыгар уонна байыастар дьонноругар бэристилэр.

СӨ экологияҕа, айылҕаны туһаныыга уонна ойуур хаһаайыстыбатыгар министиэристибэ үлэһиттэрэ итинтэн туора турбатылар. Байыастар дьонноругар (уопсайа 11 ыалга) сылдьыбыттарын, сибиэһэй балыгынан күндүлээбиттэрин туһунан тустаах министиэристибэттэн иһитиннэрэллэр.