«Азия оҕолоро» норуоттар икки ардыларынааҕы оонньуулар кэмнэригэр өрөспүүбүлүкэ бары министиэристибэлэрэ, биэдэмистибилэрэ, тэрилтэлэрэ кэлбит ыалдьыттарга, спортсменнарга сыһыарыллан, бу күннэргэ тэрээһиннэргэ арыаллааччы буоллулар.
Экология министиэристибэ «Корпорациялар сайдыылара» АУо кытары кыттыһан Кытай спортсменнарын арыаллаатылар. «Азия оҕолоро» оонньууларга Кытайтан уопсайа 15 киһи: 9 оҕо уонна 6 улахан киһи кэлэ сырытта.
Ыалдьыттары «Ирбэт тоҥ саарыстыбатыгар», П.А. Лазарев аатынан Сэлии түмэлигэр, Атласовтар этническэй уһаайбаларыгар сырытыннардылар.
Саха норуотун култууратын уонна үгэстэрин кытта билсиһии кэнниттэн, спортсменнар уонна кинилэр тириэньэрдэрэ Чочур Мыраан этнографическай комплекска саха төрүт астарын аһаатылар диэн Экология министиэристибэтин пресс-сулууспата иһитиннэрэр.
Кытай бэрэстэбиитэллэрэ Саха сиригэр сылдьыбыт кэмнэрин үрдүктүк сыаналаатылар. Ыалдьыттар ордук «Ирбэт тоҥ саарыстыбатын» сэҥээрдилэр. Спортсменнар Экология министиэристибэтин үлэһиттэригэр ыалдьытымсах Саха сирин туһунан умнуллубат өйдөбүлү хаалларбыттарын иһин истиҥ махталларын биллэрдилэр.
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…