Хаартыска: Экология министиэристибэтэ
Саха сиригэр Экология, айылҕаны туһаныы уонна ойуур хаһаайыстыбатын министиэристибэтэ сыл саҕаланыаҕыттан Саха сиригэр 2 580 рейдэлэри ыытта.
«Сыл саҕаланыаҕыттан ойуурга баһаартан сэрэхтээх буолуу быраабылатын 113 кэһиитэ арылынна. Буруйдаахтар Административнай буруйу оҥоруу Кодексынан эппиэтинэскэ тардылыннылар. Ол курдук, 1 мөл. 210 тыһ. солк. 8 административнай ыстараап быһаарыыта ылылынна. 78 сэрэтии бэрилиннэ», — диэн Экология министиэристибэтигэр иһитиннэрдилэр.
Маны таһынан тыаҕа уоту күөдьүтүүгэ 13 буруйдаахтары буллулар: иккилии киһи — Аммаҕа, Үөһээ Бүлүүгэ, Мэҥэ Хаҥаласка, Намҥа уонна Ньурбаҕа, биирдии киһи — Нерюнгри, Бүлүү улуустарыгар уонна Дьокуускай куоракка. Үс киһи 150 тыһыынча солк. суумалаах ыстараап төлөөтө, онтон атын үс буруйдаахха сэрэтии бэрилиннэ. Билигин 7 дьыала үөрэтиллэр. Саха сиригэр ойуурга баһаартан сэрэхтээх буолуу быраабылатын тутуһууга 1 615 инструктаж ыытылынна, баһаартан сэрэхтээх буолуу 14 661 кумааҕынан иһитиннэриилэр тарҕаннылар, социальнай ситимнэринэн 4 155 иһитиннэрии таҕыста.
Саха сиригэр эрэгийиэннээҕи уонна федеральнай таһымнаах ыксаллаах-быһыы майгы эрэсиимнэрэ үлэлииллэр. Ону таһынан гражданнар тыаҕа сылдьалларыгар уонна аһаҕас уоту туһаналларыгар хааччахтар киирбиттэрэ. Экология чахчыларынан, быйылгы сылга 772 гражданиҥҥа ойуурга сылдьалларыгар акаастаммыта, тыаҕа киирэр аартыкка 226 шлагбаум туруоруллубута.
Бүгүн, балаҕан ыйын 18 күнүгэр, Үөһээ Дьааҥы, Өймөкөөн, Өлөөн, Мииринэй, Эдьигээн оройуоннарыгар инчэҕэй хаар түһэрэ…
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…