Хаартыска СӨ экоогияҕа министиэристибэтиттэн
Алтынньы 2 күнүгэр социальнай ситимнэринэн Алдан улууһун олохтооҕо балаҕан ыйын 30 күнүгэр устубут видеота тарҕаммыта. Видеоҕа Турукаан үрэх (Томмот өрүс уҥа салаата) киртийбит чахчыта уһуллубут этэ диэн СӨ Экологияҕа министиэристибэтэ иһитиннэрэр.
Экология министиэристибэтэ видео ааптара хаһан, ханна устубутун сөптөөхтүк быһааран устубутун иһин махталын тиэрдэр. Ол гынан баран, быһаччы Алданнааҕы судаарыстыбаннай экологическай кэтээн көрүү кэмитиэтигэр ыыппыта ордук түргэн, көдьүүстээх буолуо этэ дииллэр. Видео социальнай ситиминэн бытааннык тарҕанан, тустаах үлэһиттэргэ хойутаан тиийэн, бэрэбиэркэ хас да күн буолан баран эрэ оҥоһуллубут.
Бу иһитиннэриини бэрэбиэркэлиир сыалтан, от ыйын 3 күнүгэр Экология министиэристибэтин үлэһиттэрэ, Балык хаһаайыстыбатын федеральнай ааҕыныстыбатын Илиҥҥи Сибиирдээҕи территориальнай управлениетын үлэһиттэрин кытта, Турукаан үрэҕэр тиийэн бэрэбиэркэ оҥордулар. Бэлиэтээн эттэххэ, уу эбийиэктэрин экологическай кэтээн көрүү Экология министиэристибэтин үлэһиттэринэн мэлдьи ыыталлар.
Ол курдук, кэтээн көрүү соторутааҕыта 2024 сыл балаҕан ыйын 17 күнүгэр ыытыллыбыта. Алдан оройуонугар ыраах сытар сир баайын хостуур учаастактар үрдүлэринэн көтүү кэмигэр Турукаан үрэх уута будулуйбута бэлиэтэммитэ, онон “ЗДК Резерв” ХЭТ хостуур үөһэ уонна аллараа учаастактарыттан уу анаалыһа ылылынна.
Манна эбэн этэххэ, 2024 сыл атырдьах уонна балаҕан ыйдарыгар Турукаан үрэх киртийиитин туһунан миэстэтигэр чинчийиилэр ыытыллыбыттара. Ол гынан баран, РФ Бырабыыталыстыбатын 2024 сыл кулун тутар 10 күнүнээҕи 33-с №-дээх ыйааҕын 3-с пуунун «а» пуунугар сөп түбэһиннэрэн, былааннамматах бэрэбиэркэни дьон олоҕор уонна доруобуйатыгар улахан хоромньу тахсар куттала үөскүүр түгэнигэр эрэ ыытыллар.
Итинэн сибээстээн, Турукаан үрэх киртийиитэ кылгас болдьоххо дьон олоҕор уонна доруобуйатыгар хоромньуну оҥорор дьайыыта суоҕунан «ЗДК» ХЭТ утары бэрэбиэркэни ыытар кыаллыбатаҕа. Ол гынан баран 2024 сыл балаҕан ыйын бүтүүтүгэр Турукаан үрэх киртийиитин туһунан видеоҕа устуу тарҕаммытын кэннэ, бу уу эбийиэктэрин киртийиитэ дьон табыгастаах эйгэҕэ бырааптарын кэһэр буолан, Экология министиэристибэтэ СӨ Борокуратууратыгар «ЗДК Резерв» ХЭУо сыһыаннаан болдьохтоох бэрэбиэркэни ыытар туһунан сайабылыанньа ыыппыта. Манан сибээстээн, Борокуратуура былаана суох бэрэбиэркэни ыытар туһунан ирдэбил оҥорбута.
Санатан эттэххэ: киртийии булуллубут сирдэрин видеоҕа устууну быһаччы Экология министиэристибэтигэр эбэтэр улуус экологическай иниспиэксийэтигэр киртийии күнүн, бириэмэтин, миэстэтин уонна төрүөтүн (кыаллар буоллаҕына) ыйан туран ыттаххытына, бэрэбиэркэлээһин түргэнник ыытыллыан сөп.
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…