Хаартыска: sakha.gov.ru
От ыйын 30 күнүнээҕи туругунан, өрөспүүбүлүкэ Экологияҕа, айылҕаны туһаныыга уонна ойуур хаһаайыстыбатыгар министиэристибэтин дуоһунастаах үлэһиттэрэ ойуурга баһаар тахсыытын сэрэтиигэ 2927 патруллааһыны ыыттылар.
“Тыаҕа баһаартан сэрэхтээх буолуу быраабылатын 125 киһи кэспитэ бэлиэтэннэ. Кинилэргэ Административнай быраабы кэһиилэр тустарынан кодекс 8.32 ыстатыйатынан эппиэтинэс сүктэриллэр. 1 мөл. 260 тыһыынча солкуобай суумаҕа 9 административнай ыстараап, 83 сэрэтии түһэрилиннэ.
Экология сотрудниктара 19330 инструктаһы оҥордулар. Баһаартан сэрэхтэх буолууга 18259 өйдөбүнньүгү (памятканы ) тарҕаттылар. Социальнай ситимнэринэн 4928 матырыйаал таҕыста.
Быйыл ойуурга тахсыан баҕалаах 1088 киһиэхэ аккаастаммыта, 235 хааччахтыыр шлагбаум туруоруллубута, ону тэҥэ 231 пост.
Патруллааһын уонна рейдэлэр кэмнэригэр тыаҕа уот туруутугар буруйдаах 14 киһи булулунна: үс киһи — Нам улууһугар, Амма, Үөһээ Бүлүү, Мэҥэ Хаҥалас, Ньурба улуустарыгар – иккилии, Нерюнгри, Бүлүү оройуоннарыгар уонна Дьокуускайга – биирдии.
Саха сиригэр эрэгийиэн уонна федеральнай хабааннаах эрэсиимнэр биллэриллибиттэрин өссө төгүл санатабыт. Баһаары утары ураты эрэсиим үлэлиир, онон дьон тыаҕа тахсыылара уонна аһаҕас уоту туһаныылара хааччахтанар. Ону тэҥэ ойуурга тырааныспар сириэстибэтэ эмиэ киириэх суохтаах.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…