Экологтар атыыр эһэни бултааһын сааскы болдьоҕун уһатарга этии көтөхтүлэр

Экология миниистиэристибэтин булт уонна булт ресурсаларын харыстааһыҥҥа департаменын салайааччыта Владимир Решетников уонна Амма улууһун экологическай надзор иниспиэксийэтин салайааччыта Евгений Егоров Иркутскайга «Охрана и рациональное использование животных и растительных ресурсов» диэн норуоттар икки ардыларынааҕы научнай-практическай кэмпириэнсийэҕэ кытыннылар. Бу туһунан Экология министиэристибэтин пресс-сулууспата иһитиннэрэр.

Кэмпириэнсийэ А.А. Ежевскай аатынан Иркутскайдааҕы судаарыстбаннай аграрнай университекка исписэлиистэри бэлэмнээһин саҕаламмыта 75 сылын туолар бэлиэ даататыгар ананна. Кэмпириэнсийэ үлэтин чэрчитинэн Владимир Решетников «Саха сиригэр булт хаһаайыстыбатын аныгы туруга уонна сайдар кэскилэ» диэн тиэмэҕэ дакылаат оҥордо.

Кини өрөспүүбүлүкэҕэ булт хаһаайыстыбатын сүрүн хайысхаларын, булчут ресурсаларын туруктарын, ону тэҥэ кыыллар ахсаанын балаһыанньатын уонна элбэтии боппуруостарын сырдатта. Евгений Егоров куттала суох буолууну хааччыйыы миэрэтинэн атыыр эһэни бултааһын сааскы болдьоҕун уһатарга этии киллэрдэ. Маннык улахан пуорумҥа Саха сирин бэрэстэбиитэллэрэ кыттаннар, уопуту атастаһыыга улахан суолталааҕын көрдөрөр.