«Экопозитив-2024» куонкуруска сайаапкалары туталлар

Саха сирин Экологияҕа, айылҕаны харыстааһыҥҥа уонна ойуур хаһаайыстыбатын министиэристибэтэ иһитиннэрбитинэн, сыл аайы туттарыллар «Экопозитив-2024» бириэмийэҕэ сайаапкалары тутууну ЭКА хамсааһын биллэрэр.

Бириэмийэ сыалынан айылҕаны харыстааһыҥҥа, экологияҕа быраабы көмүскээһиҥҥэ уонна экокултуураны сайыннарарга улахан кылааттарын киллэрбит эрэгийиэннээҕи бырайыактары көҕүлээһин буолар.

Быйыл сири-уоту бөхтөн ыраастыырга, кыыллары, ойууру, уу эбийиэктэрин харыстааһыҥҥа, экологическай сырдатыы боппуруостарын быһаарар бырайыактар туспа наҕараадаланыахтара. Экологическай бырайыактар салайааччылара, экоактыбыыстар уонна урбаанньыттар 8 номинацияҕа сайаапкаларын биэриэхтэрин сөп. Куонкуруска экологическай уопсастыбаннай түмсүүлэр, экологияны сырдатар медиа үлэһиттэрэ, экология өттүнэн эппиэтинэстээх урбаанньыттар, уо.д.а. кыттыахтарын сөп.

Хас биирдии номинацияҕа иккилии кыайыылааҕы талыахтара : норуот куоластааһынынан уонна дьүүллүүр сүбэ быһаарыытынан. Бириэмийэ лауреаттара дипломнарынан, анал статуэтканан уонна партнердар бэлэхтэринэн наҕараадаланыахтара.

Кыайыылаахтары наҕараадалааһын сыл бүтүүтэ Москваҕа буолуоҕа.

Сайаапканы алтынньы 10 күнүгэр диэри биэриэххэ сөп. Саайтара:  https://ecopositiv.ru/ 

Ил Дархан, бырабыыталыстыба пресс-сулууспата.