Хаартыска sakha.gov.ru ылылынна
Тулалыыр эйгэ харыстабылыгар анаммыт уруоктары оҕолор олус сэҥээрэллэр. Быйылгы сылга 1 997 уруокка 68 009 үөрэнээччи сылдьыбыт. Үөрэх «Экология» национальнай бырайыак иитинэн ыытыллаллар.
СӨ Экологияҕа министиэристибэтэ Дьокуускайга уонна өрөспүүбүлүкэ улуустарыгар экологическай үөрэхтээһин уруоктарын тиһиктээхтик ыытта. Олус интэриэһинэй уонна болҕомтону тардар, сэҥээриини ылар уруоктар уһуйааннарга, оскуолаларга, орто анал уонна үрдүк үөрэх тэрилтэлэригэр, ону таһынан түмэллэргэ, бибилэтиэкэлэргэ, уопсастыбаннай кииннэргэ ыытыллаллар.
Экологияны кэтээн көрөр иниспиэктэрдэр сир күнүгэр, чыычаахтары, туруйалары харыстааһын, Саха сирин айылҕатын харыстыыр экологическай билии, уо.д.а. бэлиэ күннэринэн уруоктары ыыталлар. Уруокка араас куонкурустар, оонньуулар, билиини-көрүүнү тургутуулар ыытыллаллар. Маны таһынан, кыыл-сүөл атаҕын суолун сымнаҕас маассаҕа түһэрэн ылбыттарын, хатарыллыбыт интэриэһинэй үүнээйилэри көрдөрөллөр, көтөрдөр саҥаларын аудиоҕа устубуттарын иһитиннэрэллэр. Бу барыта оҕолору олус сэҥээрдэр, билиэх-көрүөх баҕаларын күүһүрдэр. Ону сэргэ, «Птицы Якутии» кэтээн көрөөччүлэргэ, бу 5-11 кылаас үөрэнээччилэригэр, 3 000 солк. бириистээх орнитологическай куонкурус ыытыллар. Куонкуруска «Летние учетные маршруты птиц Якутии», «Жизнь одной птицы», «Птица-краснокнижник» номинацияларынан кыайыылаахтар быһаарыллаллар.
Санатан эттэххэ, Ил Дархан Айсен Николаев 2018 сылга «Саха Өрөспүүбүлүкэтин экологическай туругун туһунан» Ыйаахха илии баттаабыта. Онно сүрүн соругунан уопсастыба экологическай култууратын уонна эппиэтинэһин үрдэтии буолар. Экологическай уруоктар тулалыыр эйгэҕэ харыстабыллаах сыһыаны олохтуурга туһаайыллаллар.
«Экология» национальнай бырайыак 2019-2024 сс. диэри кэмҥэ Арассыыйа национальнай бырайыактарыттан биирдэстэринэн буолар. Бу Арассыыйа Бэрэсидьиэнэ Владимир Путин ыйааҕынан 2018 сыллаахха олохтоммута. Бырайыак сыала-соруга экологическай быһыыны-майгыны тупсарарга туһуланар. Маныаха «Экология» национальнай бырайыак иитинэн, Саха сирин территориятыгар «Чистая страна»; «Сохранение лесов»; «Комплексная система обращения с ТКО»; «Чистая вода» диэн эрэгийиэн таһымнаах бырайыактар олоххо киллэриллэллэр.
СӨ Ил Дарханын уонна Бырабыыталыстыбатын пресс- сулууспата
Улуу Кыайыы күнүгэр Жатай бөһүөлэгинээҕи казактар станичнай уопсастыбаларын казактара киин болуоссакка бэтэрээннэргэ уонна олохтоохторго сылаас…
Саха бастакы поэтессата Варвара Потапова туһунан сонун суруйуулар бэчээккэ тахсаллар, киниэхэ анаан хомоҕой хоһооннор суруллаллар,…
Ыам ыйын 10 күнүгэр быһа холоон 21:58 чаас саҕана Дьокуускай куоракка Ленин-Киров уулуссалар быһа охсуһууларыгар…
Төһө даҕаны уопуттаах оҕуруотчут буолбуккут үрдүнэн, үчүгэй арассааданы үүннэрэр кыаллыбат түгэннэрэ эмиэ бааллар. Онон ырыынакка…
Бүлүү оройуонун борокуратуурата дириэктэри солбуйааччыга, суол-эксплуатационнай учаастагын начаалынньыгар уонна «РИК Автодор» АУо тутуу, монтажтыыр үлэлэр…
Сыана бэлиитикэтин судаарыстыбаннай кэмитиэтин бэрэссэдээтэлэ Николай Бочков «Якутия 24» телеханаалга “Актуальное интервью” биэрии эпииригэр тарыыбы…