Хаартыска: PxHere
Суут быһаарыытынан, Томмот куоракка 48 саастаах оскуола экс-дириэктэрэ 2016-2020 сылларга «Алдан оройуона» МТ дьаһалтатын өттүттэн сөптөөх хонтуруол ыытыллыбакка, дуоһунаһын туһанан, харчыны уорар сыалтан сымыйа үлэ дуогабардарын түһэрсибит.
Бу сыалга кини Алдан оройуонуттан төрүттээх 49 саастаах уонна Кэбээйи оройуонуттан төрүттээх 58 саастаах доҕотторун үлэҕэ ылбыт.
Урукку дириэктэр доҕотторун тириэньэр, физическэй култуураҕа инструктор уонна үлэҕэ инструктор дуоһунастарыгар үлэҕэ ылбыт дуогабардары түһэрсибит, хамнас аахпыт. Манна даҕатан эттэххэ, эр дьон оскуолаҕа биир да күн үлэлээбэтэхтэр, хамнастарын сороҕун дириэктэргэ биэрбиттэр, атынын бэйэлэригэр хаалларынан туһаммыттар. Суут кэмигэр экс-дириэктэр уонна доҕотторо харчыны уорууга буруйдарын билиммэттэхтэр.
Алдан оройуоннааҕы суут бириигэбэринэн экс-дириэктэр буруйдааҕынан ааҕылынна, 4 сылга көҥүлэ быһылынна, ол иһиттэн 3 сыл усулуобунайдык. 49 саастаах эр киһи буруйдааҕынан ааҕылынна уонна 3 сылга көҥүлэ быһылынна. Оттон 58 саастаах эр киһи 2 сылга көҥүлэ быһылынна.
Ону таһынан суут Алдан оройуонун урукку дириэктэрин уонна доҕотторуттан хоромньу толору сууматын ирдээтэ. Бириигэбэр сокуоннай күүһүгэр киирдэ. Бу туһунан СӨ Үрдүкү суутун пресс-сулууспата суруйар.
Дьокуускай 202‑с микро-оройуонугар элбэх өҥөнү оҥорор “Патриот” ыччат киинин аһыллыыта ааспыт сыл биир бэлиэ түгэнинэн…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Надежда Егорова-Намылы "Киһи күн…
Уот Кыһыл Сылгы сыл кэлбитинэн тапталлаах Дьөһөгөйбүт оҕото атын кыыллартан туох уратылааҕын билэ-көрө түһүөҕүҥ. Былыргы…
Ааспыт сыл бүтүүтэ, ахсынньы 30 күнүгэр, Үөһээ Дьааҥы Баатаҕайыгар элбэх кыбартыыралаах дьиэ умайан, биир эр…
Бүгүн, тохсунньу 3 күнүгэр, өрөспүүбүлүкэ баһыйар үгүс өттүгэр хаардыаҕа. Арҕаа 9-14 м., соҕуруу 15-17 м.…
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…