Эксээмэн кэмигэр тэйиччиттэн түөкүттэр күөрэйэллэр

Судаарыстыбаннай түмүктүүр эксээмэн кэмигэр тэйиччиттэн түөкүттэр күөрэйэллэр. Эксээмэни кытта сибээстээх араас угаайыларга киллэрэ сатыахтарын сөп.

“Судаарыстыбаннай түмүктүүр эксээмэн (ГИА) кэмигэр түөкүттэргэ киирэн биэрии куттала улаатар. Сэрэхтээх буолуҥ! Түөкүттэр Үөрэх уонна билим министиэристибэтин, ИДьМ эбэтэр атын биэдэмэстибэннэй тэрилтэ аатыттан төлөпүөннээн, суруйан, эксээмэннэргитин ситиһиилээхтик ааһаргытын “мэктиэлиибит”, эрдэттэн төлүүр ирдэнэр эҥин диэн саарбах өҥөнү оҥоро сатыахтарын сөп.

• Туох да иһин харчы ыытымаҥ, тус дааннайдаргытын этимэҥ!
• Судаарыстыбаннай уорган официальнай бэрэстэбиитэллэрэ хаһан даҕаны эксээмэн туттарарга харчы көрдөөбөттөр.
• Эксээмэни тэрийии, ыытыы бары боппуруостара оскуола, үөрэх управлениетын нөҥүө быһаарыллаллар.

Өскөтүн эһиги ити курдук харчы көрдүүр, эксээмэни ситиһиилээхтик туттарыыны мэктиэлиир түбэлтэҕэ түбэспит буоллаххытына, суһаллык быраабы араҥаччылыыр уоргаҥҥа уонна оскуолаҕытыгар биллэриҥ эбэтэр 84112421046 (суһал лииньийэ) нүөмэргэ төлөпүөннээҥ.

Болҕомтолоох буолуҥ, бэйэҕитин уонна оҕолоргутун түөкүттэртэн харыстааҥ!” – диэн Үөрэх уонна билим министиэристибэтэ сэрэтэр.