Салгыы
Эксээмэни хаттаан туттардахха бастакы түмүк көтүрүллэр

Эксээмэни хаттаан туттардахха бастакы түмүк көтүрүллэр

12.04.2024, 17:00
Хаартыска: Людмила Попова.
Бөлөххө киир:

Дойду бэрэсидьиэнин сорудаҕынан быйыл оҕолорго эксээмэн биир биридимиэтин хаттаан туттарар кыах бэриллэр. Бу иннинээҕи сылларга эксээмэн түмүгүн  тупсарыахтарын баҕардахтарына, эһиилигэр эрэ туттарар кыахтаахтара.

СӨ Үөрэҕин уонна билимин министиэристибэтин Саха сиринээҕи үөрэх хаачыстыбатын кэтээн көрөр киин дириэктэрин солбуйааччы Таисия Иванова: “Эксээмэн түмүгүн тупсарар инниттэн, быйыл оскуоланы бүтэрээччилэр биир биридимиэти хаттаан туттаралларыгар кыах бэриллэр. Ханнык биридимиэти туттаралларын оҕолор бэйэлэрэ билэллэр. Холобур, оҕо устуоруйа биридимиэтин намыһах баалга суруйан кэбистэҕинэ, маны көннөрүөн баҕардаҕына, иккистээн туттарыан сөп. Ол эрээри, инники туттарбыт баала төннүбэт. Ол аата хаттаан (иккистээн) туттарыытыгар бастакытынааҕар намыһах баалы ыллаҕына, ол баала эрэ учуоттанар, бастакыта буолбатах. Бу бырайыак буолар, күн бүгүн бигэргэнэ илик.

Бырайыакка киирбитинэн, от ыйын 4 күнүгэр информатиканы, обществознаниены, нуучча тылын, физиканы, химияны уонна омук тылынан (суруйуу чааһын) туттараллар. Онтон от ыйын 5 күнүгэр биологияны, географияны, математиканы (базовай, профильнай), устуоруйаны, литэрэтиирэни, омук тылын (тылынан чааһын) туттарыахтарын сөп. Бу бырайыак буоларын, күн бүгүн бигэргэнэ илигин өссө төгүл чопчулаан этэбин”, — диэн быһаарда.

Бырайыак билиҥҥитэ көрүүгэ сылдьар, чопчуланна, илии баттанна даҕаны туһааннаах тэрилтэ үлэһиттэрин кытта чопчулаһан, саайтпытыгар иһитиннэрии таһаарыахпыт.

+1
3
+1
0
+1
0
+1
0
+1
0
+1
0
+1
0
Бары сонуннар
Салгыы
26 мая
  • 19°C
  • Ощущается: 18°Влажность: 26% Скорость ветра: 2 м/с

Сообщить об опечатке

Текст, который будет отправлен нашим редакторам: