Хаартыска: Людмила Попова.
Судаарыстыбаннай түмүктүүр аттестацияны (ГИА) тупсарыынан Бүтүн Арассыыйатааҕы уопсастыбаннай ырытыһыы иитинэн эксээмэннэри тэрийиигэ-технологическай чааһын тупсарыыга уонна ГИА-2030 сайдыытыгар аналлаах сиэксийэлэри ыыппыттар.
Сиэксийэ кыттыылаахтара дьонтон, эспиэртэртэн, парламентарийдартан, уопсастыбаннай диэйэтэллэртэн киирбит этиилэри көрбүттэр уонна ону олоххо киллэрии кыаҕын, туһатын туһунан бэйэлэрин санааларын эппиттэр.
Чуолаан сүрүн судаарыстыбаннай эксээмэни (9-с кылаас) талар биридимиэттэртэн аккаастанан сүрүн биридимиэттэри (математика, нуучча тыла) эрэ туттараллар дуу, билиҥҥи көрүҥүнэн (икки булгуччулаах, икки талар) хаалларабыт дуу, талар биридимиэтин элбэтэбит дуу эбэтэр олору араас хайысхалаах метапредметнай эксээмэннэринэн солбуйабыт дуу диэн ырытыспыттар. Үгүстэр билиҥҥи тутулунан икки булгуччулаах, икки талар биридимиэти хаалларыҥ диэн этиммиттэр.
Быйылгы сыллааҕы саҥаны киллэрии – оскуоланы бүтэрээччилэр биир кэлим эксээмэн (ЕГЭ) биир биридимиэтин талан хаттаан туттаралларыгар кыах биэриини кыттааччылар бары биһирээбиттэрин туһунан суруйаллар. Ол эрээри, иккиттэн биир ордук көрдөрүүтүн талларыахха диэн этиигэ дьон санаата хайдыспыт. Санатан эттэххэ, быйыл оҕо биир кэлим эксээмэн биир мөлтөх сыананы ылбыт биридимиэтин иккистээн туттарарыгар кыах биэрбиттэрэ. Ол гынан баран, оччотугар бастакы эксээмэн түмүгэ сотуллар, иккис эрэ эксээмэн сыаната учуоттанар диэн усулуобуйалааҕа.
Бу, эксээмэни ырытыһыы сорох өрүттэрин эрэ быһа тардан сырдаттым. Сэҥээрбит дьон сиһилии Үөрэҕи уонна билими кэтээн көрөр федеральнай сулууспа (Рособрнадзор) саайтыгар киирэн ааҕыаххытын сөп.
Суут бириистэптэрин управлениета иһитиннэрбитинэн, Уус Алдан улууһугар тэрилтэттэн 800 бытыылка арыгыны конфискациялаабыттар. Ол курдук мировой…
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…