Салгыы
Эксээмэҥҥэ 100 бааллаах оҕону бэлэмнээбит учууталларга — 100 тыһ. солк. мэр бириэмийэтэ

Эксээмэҥҥэ 100 бааллаах оҕону бэлэмнээбит учууталларга — 100 тыһ. солк. мэр бириэмийэтэ

21.11.2022, 19:06
Бөлөххө киир:

Биир кэлим эксээмэҥҥэ 100 бааллаах оҕону бэлэмнээбит куорат учуутала “Дьокуускай куорат” куораттааҕы уокурук баһылыгын 100 тыһ. солк. суумалаах бириэмийэтин тутуоҕа.

Саайтка сурулларынан, тустаах бириэмийэ учуутал идэтин өрө тутар, үрдүк ситиһиилэргэ көҕүлүүр, куорат учууталларын бэлитиир инниттэн эһиилигиттэн “Дьокуускай куорат” куораттааҕы уокурук баһылыгын бириэмийэтэ олохтонор диэн үөрэх управлениетын саайтыгар суруллар. Туһааннаах уураах мэр бүгүн илии баттаата.

2021-2022 үөрэх дьылыгар куорат сэттэ үөрэнээччитэ биир кэлим эксээмэни (ЕГЭ) 100 баалы ылбыта диэн ыйыллар. Бу Н.А.Алексеева тиэхиньиичэскэй лиссиэйин, Дьокуускай куораттааҕы 7-с, 26-с, 5-с нүөмэрдээх оскуолаларын, Дьокуускай куораттаҕы классическай гимназия, Дьокуускай куораттааҕы лиссиэй, В.П.Ларионов аатынан физико-тиэхиньиичэскэй лиссиэй үөрэнээччилэрэ буолаллар.

Манна даҕатан эттэххэ, быйыл Саха АССР 100 сылынан биир кэлим эксээмэни 100 баалга суруйбут оҕолорго Ил Дархан 100 тыһ. солк. биир кэмнээх төлөбүрү олохтообута.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -15°C
  • Ощущается: -22°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: