Салгыы
До выборов президента РФ
00 дней
:
00 часов
:
00 минут
:
00 секунд
Эксээмэҥҥэ 100 баалы ылбыттар дойду тарбахха баттанар үөрэхтэригэр киирбиттэр

Эксээмэҥҥэ 100 баалы ылбыттар дойду тарбахха баттанар үөрэхтэригэр киирбиттэр

04.09.2023, 17:00
Хаартыска: Андрей Сорокин (СИА).
Бөлөххө киир:

Быйыл Саха сирин 24 үөрэнээччитэ биир кэлим эксээмэҥҥэ 100 баалы ылбыта. Кинилэртэн үс оҕо — Мария Савкина (Нерюнгри 1-кы нүөмэрдээх гимназията), Айтал Захаров (В.П. Ларионов аатынан физика-тиэхэньиичэскэй лиссиэй), Илья Манохин (Нерюнгри 2-с нүөмэрдээх гимназията) иккилии биридимиэти сүүстүү баалга туттарбыттара.

СӨ Үөрэҕин уонна билимин министиэристибэтэ иһитиннэрэринэн, быйылгы биир кэлим эксээмэни 100 баалга туттарбыт оҕолор дойду тарбахха баттанар үрдүк үөрэхтэрин кыһаларыгар – М.В. Ломоносов аатынан Москватааҕы судаарыстыбаннай университекка, А.С. Пушкин аатынан нуучча тылын судаарыстыбаннай институтугар, Информационнай технологиялар, механика уонна оптика университетыгар, Доннааҕы судаарыстыбаннай тиэхэньиичэскэй университекка, академик М.Ф. Решетнев аатынан билим уонна технология Сибиирдээҕи судаарыстыбаннай университетыгар, Уһук-Илиҥҥи федеральнай университекка, М.К. Аммосов аатынан Хотугулуу-Илиҥҥи федеральнай университекка үөрэххэ киирбиттэр.

Манна даҕатан эттэххэ, быйыл Нерюнгри уонна Мииринэй улууһун оҕолоро күннээтилэр, элбэх үөрэнээччилэрэ 100 баалы ыллылар. Үөрэх үлэһиттэрин Атырдьах ыйынааҕы мунньахтарын иитинэн үөрэнээччилэргит 100 баалы ылыыларын кистэлэҥэ тугуй диэн Мииринэйдээҕи үөрэх управлениетын начаалынньыга Елена Мироноваттан ыйыппыппар: “Туох кистэлэҥэ кэлиэй. Улууска үөрэх тэрилтэлэрин салайааччыларын, педагогтарын кытта мэтэдиичэскэй үлэ оҥоһуллубута. Бу систиэмэ оҕолор үөрэхтэрин кэтээн көрөргө, кыһалҕалаах боппуруостары анаалыстыырга, түмүк уонна онтон сиэттэрэн сөптөөх үлэни аттарарга көмөлөһөр.

Хас биирдии оскуолаҕа 9-с уонна 11-с кылаас кэнниттэн туттарыллар эксээмэҥҥэ бэлэмнииллэр. Бу араас уруогу таһынан дьарыктар (консультация), биирдиилээн үөрэтии, ону таһынан, уйулҕа үлэһиттэрин, педагогтар арыаллыыр сүбэлэрэ, төрөппүттэри кытта ыкса үлэ, хас биирдии үөрэх тэрилтэтигэр эрдэттэн олохтоммут бэлэмнээһин буолар. Биллэн турар, эксээмэҥҥэ бэлэмнээһин систиэмэтэ хонтуруолланар.

Быйыл Мииринэй улууһугар 40 педагог үлэлии кэллэ, вакансия барыта сабылынна”, — диэн начаалынньык хоруйдаабыта. Манна даҕатан эттэххэ, быйыл Мииринэй улууһун үс үөрэнээччитэ биир кэлим эксээмэнин 100 баалга туттарда. Үөрэнээччилэрэ үрдүк баалы ылыыларынан Нерюнгри, Дьокуускай кэнниттэн тилэх баттаһа иһэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -30°C
  • Ощущается: -30°Влажность: 61% Скорость ветра: 1 м/с

Сообщить об опечатке

Текст, который будет отправлен нашим редакторам: