Хаартыска: Мария Васильева, СИА.
РФ Үөрэҕириигэ министиэристибэтэ уонна Үөрэҕи кэтээн көрөр федеральнай сулууспа биир кэлим эксээмэн (ЕГЭ) уонна сүрүн судаарыстыбаннай эксээмэн (ОГЭ), судаарыстыбаннай түмүктүүр эксээмэн (ГВЭ) быйыл ыытыллар болдьохторун бигэргэттилэр.
Бигэргэтиллибит бирикээскэ олоҕуран, биир кэлим эксээмэн (ЕГЭ) сүрүн түһүмэх иннинээҕи күннэрэ (досрочный период) 2024 сылга кулун тутар 22 күнүттэн муус устар 22 күнүгэр диэри, сүрүн түһүмэх (основной период) ыам ыйын 23 күнүттэн от ыйын 1 күнүгэр, эбии түһүмэх (дополнительный период) балаҕан ыйын 4-23 күннэригэр буолар.
Биир кэлим эксээмэн (ЕГЭ) сүрүн түһүмэҕэ:
Ыам ыйын 23 күнүгэр – география, литэрэтиирэ, химия,
Ыам ыйын 28 күнүгэр – нуучча тыла,
Ыам ыйын 31 күнүгэр – математика (базовай уонна профильнай),
Бэс ыйын 4 күнүгэр – обществознание,
Бэс ыйын 7-8 күннэригэр — информатика,
Бэс ыйын 10 күнүгэр – устуоруйа, физика,
Бэс ыйын 13 күнүгэр – биология, омук тыллара (суругунан чааһа),
Бэс ыйын 17 уонна 18 күннэригэр – омук тыллара (тылынан чааһа).
Бэс ыйын 20 күнүттэн от ыйын 1 күнүгэр диэри – бары биридимиэттэргэ эрэсиэрбэ күннэрэ.
Тохсус кылаас үөрэнээччилэригэр ыытыллар сүрүн судаарыстыбаннай эксээмэн (ОГЭ) үс түһүмэҕинэн барар: сүрүн түһүмэх иннинээҕи күннэр (муус устар 23 күнүттэн ыам ыйын 18 күнүгэр диэри), сүрүн түһүмэх (ыам ыйын 21 күнүттэн от ыйын 2 күнүгэр диэри) уонна эбии түһүмэх (балаҕан ыйын 3-24 күннэригэр).
“Уопсастыбаннай ырытыһыы түмүгэр биирдиилээн дьонтон уонна эрэгийиэннээҕи үөрэх управлениетын уорганнарыттан киирбит этиилэр улахан аҥаардара учуоттаннылар. Ол курдук, 2024 сыл ыам ыйын 24 уонна 25 күннэригэр былааннаммыт 9-с кылаастар эксээмэннэрэ, бу күннэргэ “Бүтэһик чуораан” бырааһынньыктара ыытыллалларынан, көһөн биэрдилэр. 9-с кылаастарга сүрүн судаарыстыбаннай эксээмэн (ОГЭ) уонна судаарыстыбаннай түмүктүүр эксээмэн (ГВЭ) көмпүүтэр тэрилэ туһанылларынан сибээстээн, сүрүн түһүмэх иитинэн үс күн (ыам ыйын 27, бэс ыйын 11 уонна бэс ыйын 14 күннэригэр) буолар”, — диэн Үөрэҕи кэтээн көрөр федеральнай сулууспа саайтыгар суруллар.
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…
Нерюнгригэ Олоҥхо ыһыаҕар түөрт сыллааҕыта Үөһээ Бүлүүгэ саҕаламмыт «Олоҥхону ааҕабыт» бырайыак салҕанна. Үгэс курдук, бырайыагы…
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат…