Эксээмэннэрин туттарбатах оскуола оҕолоро кэллиэскэ босхо киириэхтэрин сөп

Госдуума үөрэхтээһиҥҥэ биир саамай ыарыылаах боппуруоһу таарыйар сокуону ылынна. Билигин сүрүн судаарыстыбаннай эксээмэни (ОГЭ) туттарбатах 9-с кылаас үөрэнээччилэрэ   сылларын сүтэрбэккэ, кэллиэскэ эбэтэр тиэхиньикумҥа судаарыстыба үбүлүүр миэстэтигэр тута киириэхтэрин сөп.

Оҕолор оробуочайдары уонна сулууспалаахтары бэлэмниир бырагыраамаларынан босхо үөрэнэр кыахтаналлар. Эрэгийиэннэр ирдэнэр идэлэр уонна үөрэх кыһаларын испииһэгин бэйэлэрэ быһаараллар. Үөрэтии эрэгийиэн бүддьүөтүттэн үбүлэнэр.

Сокуон 2026 сыл тохсунньу 1 күнүттэн олоххо киириэҕэ. Устудьуоннарга бэйэлэрин эрэгийиэннэригэр үчүгэй исписэлиис буолар кыаҕы биэрэн, үлэһит тиийбэт кыһалҕатын быһаарарга көмөлөһүөҕэ.