Өксөкүлээх Өлөксөйгө анаммыт документальнай киинэ сүрэхтэннэ
20.07.2024, 13:30
Хаартыска: видеоттан скрин
Бөлөххө киир:
Саха сиригэр «Путь в вечность. А.Е. Кулаковский — Өксөкүлээх Өлөксөй, саха литэрэтиирэтин төрүттээччи, Саха сирин духуобунай лидерэ» диэн документальнай киинэ сүрэхтэннэ.
Кылгас документальнай киинэ көрөөччүлэргэ саха литэрэтиирэтин төрүттээччи, бэйиэт, саха саарына, бөлүһүөк Өксөкүлээх Өлөксөй олоҕун, үлэтин кэрчиктэрин сырдатар. Кини санаалара, этиилэрэ үйэтитэр кэм кэрэһитэ буолан хаалан билиҥҥэ диэри умнуллубаттар уонна мэлдьи сырдыкка, айымньылаах суолунан инники күөҥҥэ тардыһарга угуйаллар.
Киинэ Саха Өрөспүүбүлүкэтин Бастакы Бэрэсидьиэнэ Михаил Ефимович Николаев көҕүлээһининэн оҥоһулунна. Бырайыак салайааччыта — Юрий Семенов, сценарист-редактор — А. Захарова, режиссер-оператор — И. Семенов, консультант — С. Дарбасова. Киинэ сакаасчытынан СӨ Бастакы Бэрэсидьиэнин пуондата буолла, оттон спонсордарынан — «Рик Плюс» АУо, «Полюс Алдан» АУо, В.И. Кононов аатынан кырдьаҕастар уонна инбэлииттэр Капитоновкатааҕы интэринээт дьиэлэрэ. Документальнай киинэ Таатта улууһун дьаһалтатын, дьонун-сэргэтин өйөбүлүнэн уонна кыттыыларынан таҕыста.
+1
13
+1
+1
+1
+1
+1
+1
Сообщить об опечатке
Текст, который будет отправлен нашим редакторам: