Саха сиригэр өрөспүүбүлүкэбит бастакы бэрэсидьиэнэ М.Е.Николаев аатын үйэтитиигэ үлэ салгыы ыытыллар.
Ол курдук, алтынньы 27 күнүгэр, Дьокуускайга саха литературатын төрүттээччи, айар тыл аҕатыгар Өксөкүлээх Өлөксөйгө анаммыт сайт сүрэхтэннэ. Бу улахан бырайыак бастакы бэрэсидьиэн Михаил Николаев аатынан «Николаев Киин» архыып-бибилэтикэтин сүрүннээһининэн уонна Михаил Николаев пуондатын үбүлээһининэн оҥоһулунна.
—Бу идиэйэ бастакы бэрэсидьиэммит, ытык киһибит Михаил Ефимович Николаев баҕа санаатынан оҥоһулунна. Кини эрдэттэн бу идиэйэни көҕүлээн, тус бэйэтэ 100 тыһыынча солкуобайы сайт үлэҕэ киирэригэр көрбүтэ. Ону сэргэ, «Окружение А.Е.Кулаковского» диэн уопсастыбаннай тэрилтэ сүҥкэн өҥөлөөх. А.Е.Кулаковскай чугас дьонун, аймахтарын кытта үгүс үлэ ыытылынна. Ону таһынан хаартыскалар, видеолар, бэчээтинэй матырыйааллар барыта Национальнай архыып уонна Национальнай бибилэтиэкэ көмөлөрүнэн булулунна, — диэн «Николаев Киин» салайааччыта Юрий Семенов санаатын үллэһиннэ.
Сайтка А.Е.Кулаковскай научнай үлэлэрэ. айымньылара, духуобунай нэһилиэстибэтэ киирбит. Маны таһынан сайтка английскайдыы тылбаас баар. Билигин дьоппуон уонна кытай тылыгар тылбааска үлэ барар турар. Сайт арыллыытыгар А.Е.Кулаковскай сиэнэ Лариса Реасовна Сербияттан кэлбит. Электроннай сайт кини эһэтин нэһилиэстибэтин үйэтитиигэ сыаннаастааҕын бэлиэтээбит.
Саха сиригэр 2024 сылтан саҥа ыал буолар, 25 саастарын туола илик эдэр дьоҥҥо саахсаламмыттарын кэнниттэн…
СӨ Судаарыстыбаннай тутуу уонна олорор дьиэ хонтуруолун управлениета уонна «Биир ньыгыл Арассыыйа» баартыйа «Эдэр гвардия»…
Саха Өрөспүүбүлүкэтин үөрэхтээһиҥҥэ уонна наукаҕа миниистирин бастакы солбуйааччы Алевтина Аргунова ыам ыйын 15 күнүгэр брифинг…
2023 сыл балаҕан ыйыгар Ил Дархан Айсен Николаев Оһуохай күнүн тэрийэр туһунан ыйаахха илии баттаабыта.…
ИлДархан Айсен Николаев СӨ Бочуоттаах олохтооҕун Егор Ларионовы кытары өрөспүүбүлүкэ, чуолаан Нам улууһун социальнай-экэнэмиичэскэй сайдыытын…
Саха Өрөспүүбүлүкэтигэр “Саха сирэ” уонна “Соҕуруу Саха сирэ” урутаан сайдыы сирдэригэр-уоттарыгар (ТОР) 72 резидент үлэни…