Лилия Кычкина хаартыскаҕа түһэриилэрэ.
Кулун тутар 16 күнүгэр өрөспүүбүлүкэ улуустарыгар уонна куораттарыгар «Өксөкүлээх сардаҥата» «тыыннаах чүмэчи уотун» уматыахтара. Тэрээһин туһунан СӨ Бастакы бэрэсидьиэнэ М.Е.Николаев бибилэтиэкэ-архыыбын «Николаев-Киин» үлэһитэ Лилия Кычкина кэпсээтэ:
— Тэрээһин саха суругун уонна иин төрүттээччи, уопсастыбаннай диэйэтэл, бөлүһүөк, сырдатааччы Алексей Елисеевич Кулаковскай-Өксөкүлээх Өлөксөй күн сирин көрбүт күнүгэр ананар. Ил Дархан Айсен Николаев 2022 с. ыам ыйын 25 күнүнээҕи 2461 №-дээх «Алексей Елисеевич Кулаковскай төрөөбүтэ 150 сылыгар» Ыйааҕар олоҕуран, Саха Өрөспүүбүлүкэтигэр 2023-2027 сыллар А.Е. Кулаковскай-Өксөкүлээх Өлөксөй биэс сылынан биллэриллибиттэрэ.
Бу күн Саха сирин президентскэй оскуолаларын тиһигэ уонна СӨ Бастакы бэрэсидьиэнэ М.Е.Николаев бибилэтиэкэтэ — «Николаев-Киин» «Өксөкүлээх сардаҥата» «тыыннаах чүмэчи уотун» уматыы курдук үтүө үгэһи — норуот аахсыйатын олохтообуттара. 10 чаас устата өрөспүүбүлүкэтээҕи култуура, үөрэхтээһин, уопсастыбаннай, муниципальнай тэрилтэлэригэр «Өксөкүлээх сардаҥата» аахсыйа «чүмэчи уотун» уматыахтара.
– Былырыын норуот аахсыйатыгар Өксөкүлээх олорбут, тиийэ сылдьыбыт киин улуустара, куораттара, хотугу улуустара кыттыбыттара. Быйыл бары улуустарга аахсыйаны тэҥэ араас култуурунай, духуобунай тэрээһиннэр ыытыллыахтара, улуу бөлөһүөк Саха сирэ уонна Арассыыйа сайдыытыгар туһуламмыт үлэлэрин Тэрээһини СӨ култуура уонна духуобунас министиэристибэтэ, СӨ Бастакы бэрэсидьиэнэ М.Е. Николаев бибилэтиэкэ-архыыбын «Николаев Киин» көҕүлүөхтэрэ.
Барыгытын бу суолталаах тэрээһиҥҥэ көхтөөх кыттыыны ыларгытыгар ыҥырабыт.
Билсэр төл. 8996 914 05 22 (Лилия Кычкина).
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…