Хаартыска sakha.gov.ru
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын чаҕылхай холобурунан буолла.
Икки сыл иһигэр хампаанньа бүтүн Саха сирин улуустарынан 73 аныгылыы киинэ саалатын аһан, эрэгийиэн саамай тэйиччи сытар нэһилиэнньэлээх пууннарыгар хаачыстыбалаах киинэни көрөр кыаҕынан хааччыйда.
2024 сыллаахха бырайыак аан дойду таһымыгар таҕыста: Индия Тиху диэн кыра куоратыгар (Ассам штата) бастакы тас дойдуга киинэ саалата арылынна. Салгыы Индия хотугулуу-илиҥҥи өттүнээҕи саамай улахан куоратыгар – Гувахатига Индия партнердарын кытта кыттыһан комьюнити-киин тэриллэр. Бу сайдыы «Дьанта Синема» (Janta Cinema) хампаанньаны кытта стратегическай партнердаһыы түмүгэр кыаллыбыт. Дьокуускайга ыытыллыбыт Креативнай индустриялар аан дойдутааҕы II пуорумугар баттаммыт сөбүлэһии чэрчитинэн, өрүттэр бүтүн Индия үрдүнэн 10000-ҕа диэри киинэ саалатын арыйар былааннаахтарын туһунан биллэрдилэр. Бу бырайыак култуура көҕүлээһиннэрэ экэниэмикэ үүнүүтүн хамсатар күүс буолар кэмигэр, «айымньыттан — экэнэииэмикэҕэ» көһүүнү бэлиэтиир көстүү буолар. «Экстра Синема» — бу ситиһиилээх биисинэс-кейс эрэ буолбатах, ону таһынан «Дьокуускай» технопааркаҕа уонна «Үлэ кыбаартала» креативнай кластерга айыллыбыт инновационнай бородууктанан буолар.
2024 сыллаахха бырайыак Национальнай технологическай инициатива бырайыагын статуһун уонна НТИ Пуондатын өйөбүлүн ылла, бу федеральнай таһымҥа суолтатын бигэргэтэр.
«Экстра Синема» — Саха сирин креативнай индустрияларын биир флагмана, эрэгийиэннээҕи көҕүлээһиннэр аан дойдутааҕы бырайыактарга кубулуйан, киинэ индустриятын аан дойдутааҕы ырыынагар дойдуну бөҕөргөтөр кыаҕын көрдөрөр.
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин…
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…
Ааспыт сууккаҕа Мииринэй улууһугар киһи эчэйиилээх баһаар таҕыста. Бу туһунан ЫБММ Саха сиринээҕи салаатын пресс-сулууспата…
Ааспыт сууккаҕа Саха сиригэр буруйу оҥоруу аҕыс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…