Хаартыска sakha.gov.ru
Индия хотугулуу-илиҥҥи өттүгэр Ассам штатын Тиху куоратыгар «Экстра Синема» ситим бастакы Арассыыйа-Индия киинэ саалатыгар оборудованиетын таҥыыны саҕалаата. Бу туһунан СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэр.
«Тиэхиньиичэскэй холбооһун боппуруостарын быһаарабыт, таҥыы туочукалара быһаарылыннылар. Бу куоракка саала 387 миэстэлээх. Олохтоох дьон интэриэһиргиир – таҥыы үлэтин кэмигэр оҕолор уонна улахан дьон киирэн көрөллөр», — диэн хампаанньа үлэһитэ Александр Иринцеев этэр.
Куоракка 17 тыһыынчаттан тахса киһи олорор.
Бастакы киинэ сеанстарын манна атырдьах ыйыгар саҕалыыр былаанныыллар.
«Бүгүн үлэлиир саалабыт, бу комьюнити-холл буолар, манна араас тэрээһиннэр ыытыллаллар: мунньахтар, уруу малааһыннара, дьоро киэһэлэр. Маннык саалалар Индияҕа тыһыынчанан ахсааннаахтар. Бу чуумпу куоракка киинэни элбэхтик көрдөрөр сир суох, ол иһин олохтоохтор кэлэн ыйыталаһаллар. Киинэ саалата аһылларын олус күүтэллэр», — диэн таҥааһынынан уонна тэрили тургутуунан дьарыктанар Андрей Руфов эбэн этэр.
Бастакы саалаҕа тургутуу ааспыт – Индия партнера проектор ойуутун хаачыстыбатынан астыммыт.
Маны сэргэ «Экстра Синема» уонна Индия партнердара Ассам штатын саамай бөдөҥ куоратыгар – Гувахати комьюнити-холлугар үлэлииллэр. Бу куорат Тихуттан 94 килэмиэтир ыраах сытар. Манна 900 тыһыынча кэриҥэ киһи олорор, бу Индия кээмэйинэн аҕыйах нэһилиэнньэ.
Саха сирин «Экстра Синема» хампаанньата уонна Индия «Janta Синема» хампаанньата Индияҕа 10 тыһыынчаҕа диэри киинэ саалатын аһарга былаанныыллар. Арассыыйа-Индия көҕүлээһинэ кыра куораттарга уонна комьюнити-холларга, киинэни элбэхтик көрдөрөр кыах суох сирдэригэр туһуланар.
Бырайыак сүрүн сыала – кыра нэһилиэнньэлээх пууннар олохтоохторугар киинэни көрдөрүү.
Санатан суруйдахха, Арассыыйа Бэрэсидьиэнэ Владимир Путин сорудаҕынан Арассыыйа Бырабыыталыстыбата «Экстра Синема» технологиятын «Дьиэ кэргэн» национальнай бырайыакка киллэрбитэ.
Сиһилии: https://www.sakha.gov.ru/news/9775
Саха сирин ювелирнай хампаанньалара олунньу 4-8 күннэригэр Санкт-Петербург куоракка JUNWEX норуоттар икки ардыларынааҕы быыстапкаҕа кыттыахтара.…
Арассыыйаҕа чикунгунья лихорадка соччо куттала суох, тоҕо диэтэххэ, киһиттэн киһиэхэ буолбакка, бырдах нөҥүө бэриллэр, диэн…
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин…
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…