Хаартыска sakha.gov.ru
Кыргызстаан Москваҕа баар посольствотыгар «Экстра Синема» генеральнай дириэктэрэ Петр Чиряев уонна «Атлант Синема» хампаанньа салайааччыта Акбарбек Бараков оробуочай көрсүһүүлэрэ буолан ааста.
Көрсүһүүгэ хаачыстыбалаах контены киэҥ эйгэҕэ тиэрдии ньымаларын дьүүллэстилэр – «Экстра Синема» хампаанньа Саха сиригэр киинэ саалаларын ситимин тэрийиигэ уопутун көрдүлэр. Бу туһунан хампаанньа пресс-сулууспата иһитиннэрэр.
Кыргызстааҥҥа сыл аайы 50 бэйэ киинэтэ уһуллан тахсар. Ол эрээри 3,3 тыһ. нэһилиэнньэлээх пууҥҥа 49 киинэ тыйаатыра үлэлиир, кинилэр үксүлэрэ Бишкек уонна Ош курдук куораттарга түмүллэн сыталлар. Оройуон кииннэрин уонна тыа сирин олохтоохторун киинэнэн хааччыйар сыалтан, «Атлант Синема» хампаанньа кыра уонна орто куораттарга, сэлиэнньэлэргэ киинэ тыйаатырдарын саҥардан оҥорор. Бу көҕүлээһин Кыргызстаан Бэрэсидьиэнэ Садыр Жапаров сорудаҕынан, Арассыыйа-Кыргызстаан сайдыытын Пуондатын (РКФР) кытта сөбүлэҥ чэрчитинэн олоххо киирэр.
Бырайыакка инвестиция кээмэйэ 1 мөлүйүөн 550 тыһыынча АХШ дуолларыгар тэҥнэһэр. Урут иһитиннэриллибитинэн, бастакынан Чолпон-Ата куоракка 250 көрөөччүгэ аналлаах «Чолпон» киинэ тыйаатыра саҥардыллыаҕа, онтон Кербен, Араван, Беловодское, Баткен уонна Токмок куораттарга киинэ тыйаатырдара чөлүгэр түһэриллиэхтэрэ. Көрсүһүү кэмигэр Петр Чиряев уонна Акбарбек Бараков «Экстра Синема»-ны Кыргызстааҥҥа тургутан көрүү уонна олохсутуу үлэтин дьүүллэстилэр, партнердарынан – кыргыз киинэ хампаанньаларын кытта контенынан атастаһыы эйгэтигэр бииргэ үлэлээһини сайыннарыы былааннарын торумнаатылар.
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин…
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…
Ааспыт сууккаҕа Мииринэй улууһугар киһи эчэйиилээх баһаар таҕыста. Бу туһунан ЫБММ Саха сиринээҕи салаатын пресс-сулууспата…
Ааспыт сууккаҕа Саха сиригэр буруйу оҥоруу аҕыс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…