«Экстра Синема» технологиятынан «Тааһаҕар» киинэ саалата аһылынна

Бу күннэргэ Бүлүү улууһун Тааһаҕар сэлиэнньэтигэр «Эйгэ» норуот айымньытын дьиэтигэр «Экстра Синема» технологиятынан «Тааһаҕар» киинэ саалата үөрүүлээх быһыыга-майгыга аһылынна.

Аны мантан ыла Тааһаҕар олохтоохторо саҥа тахсыбыт киинэлэри көрө улуус киинигэр, куоракка барыахтара суоҕа.

Саҥа киинэ саалата проекционнай аппаратуранан, компьютерынан, көҥүллээх бырагырааманан, мониторунан уонна билиэти атыылыыр хонтуруоллуур-каасса тиэхиньикэтинэн хааччылынна.

Оттон «Эйгэ» норуот айымньытын дьиэтэ манна «Култуура» нацбырайыагынан тутуллубута.

«Култуура» национальнай бырайыак киэҥ хабааннаах соругу толорор – сэлиэнньэни бөҕөргөтөр. Тааһаҕар олохтоохторо бу саҥа эбийиэктэрин көрө-көрө үөрэллэриттэн, өйдүүгүн, дойду Бэрэсидьиэнэ Влдаимир Путин биһиги иннибитигэр туруорбут соруга туоларын», — диэтэ култуура миниистирэ Юрий Куприянов.