«Северная заря» хаһыат хаартыската
Тохсунньу 11-12 күннэригэр Өймөкөҥҥө ыытыллыбыт «Тымныы полюһа — Өймөкөөн» VI-с кыһыҥҥы экстремальнай марафоҥҥа дойду 17 эрэгийиэниттэн 50-ча спортсмен кытынна.
Ол иһигэр Красноярскай, Челябинскай, Иркутскай, Балашиха, Москва, о.д.а куораттартан. Марафон араас саастаах, туспа идэлээх успуорт туһугар ыалдьааччылары түмтэ.
Ультрамарафон кыайыылааҕынан — 50 км сүүрүүгэ Өлүөхүмэттэн Александр Моедо буолла. Кини чэпчэки атлетикаҕа успуорт маастара.
42,2 км дистанцияҕа бастакынан Хаҥаластан Леонид Зыков кэллэ. Кини ЫБММ сотруднига, хайыһарга өрөспүүбүлүкэ хас да төгүллээх чемпиона, призера.
«Бу күннэргэ Өймөкөөҥҥө -50 кыраадыс тымныы буола сырытта. Бу бүтүн планета үрдүнэн тымныы усулуобуйаҕа ыытыллар соҕотох марафон буолар. Марафон кыттыылаахтарын сөҕө-махтайа көрдүм, кинилэргэ инникитин өссө ситиһиилэри, саҥа кыайыылары баҕарабын» — диэн Ил Дархан Айсен Николаев телеграмҥа суруйда.
Бэҕэһээ 5 килэмиэтиргэ Полина Слободчикова, 10 килэмиэтиргэ — Алексей Кузько, 15 килэмиэтиргэ — Эдуард Ксенофонтов уонна 21,1 килэмиэтиргэ – Алексей Герасимов бастаабыттара.
Марафон Улуу Кыайыы 80 сылыгар уонна Арассыыйаҕа Аҕа дойдуну көмүскээччилэр, Саха сиригэр Ийэ дойдуну көмүскээччилэр сылларыгар ананар.
Үлэлиир төрөппүттэр оҕо 1,5 сааһын туолуор диэри оҕо көрөн олорорго бэриллэр босуобуйаны ылар кыахтаахтар. …
Алтынньы 17 күнүгэр Алгыстаах Арчы Дьиэтигэр Саха Өрөспүүбүлэкэтигэр Ийэлэр, Арассыыйаҕа Аҕалар күннэригэр "Ийэ, аҕа тапталынан"…
Арассыыйаҕа чугастааҕы 5-10 сылынан дрону улахана суох таһаҕаһы, буостаны уонна маркетплейс нөҥүө сакааһы тириэрдиигэ туһаныллыаҕа…
Үөһээ Бүлүү улууһун суута Холуобунай кодекс 158 ыст. 3 ч., “г” п. (баан каартатыттан харчы…
“Эн тугу аһыыгын да, оннук буолаҕын” диэн нуучча өһүн хоһооно баар. Кырдьык, киһи химическэй эттиктэр…
Варвара Сергеевна Иванова-Зверева салайааччылаах СӨ бэтэрээн педагогтарын Сэбиэтин дэлэгээссийэтэ Н.И. Шарин аатынан киин куорат 39…