Өктөм сэлиэнньэтигэр баһаарга дьон өлбүтүнэн холуобунай дьыала тэрилиннэ

СӨ силиэстийэлиир управлениетын оройуоннар икки ардыларынааҕы киин силистийэлиир салаата Өктөм сэлиэнньэтигэр биэс киһи өлбүтүнэн, РФ Холуобунай кодексатын 109 ыст. 3 ч. (алҕас иккиттэн элбэх киһини өлүүгэ тириэрдии) буруйу оҥоруунан холуобунай дьыаланы тэрийдэ.

Силистийэ чахчытынан, 2025 сыл ахсынньы 11 күнүн сарсыарда, Өктөм сэлиэнньэтин Хаҥалас уулуссатыгар баар чааһынай дьиэҕэ уот туран, ол түмүгэр, бу дьиэҕэ олорбут 2024 уонна 2021 сыллаахха төрөөбүт икки оҕо уонна үс улахан киһи суох буолбуттар.

Силиэдэбэтэллэр быһылаан буолбут сирин көрбүттэр, дьон өлбүтүн уонна быһылаан төрүөтүн быһаарарга суолталаах биридимиэттэри ылбыттар. Билигин доппуруос уонна силиэстийэҕэ ирдэнэр үлэни оҥороллор.

Силиэстийэ хаамыытын силиэстийэлиир управление салалтата хонтуруоллуур.

Бу туһунан СӨ силиэстийэлиир управлениетын саайтыгар суруйаллар.