Өктөмҥө баһаарга биэс киһи суорума суолланна

Ахсынньы 11 күнүгэр сарсыарда эрдэ баһаарынай-быыһыыр сулууспаҕа Хаҥалас улууһугар Өктөмҥө Хаҥалас уул. турар кэтэх дьиэҕэ баһаар буолан эрэрин туһунан иһитиннэрбиттэр.

Уоту утары охсуһааччылар биэс мүнүүтэнэн тиийиилэригэр дьиэ, гараас умайа турар эбит.

Уокка дьиэ, гараас барыта былдьаммыт. Уот хаппыт уопсай иэнэ 127 кв.м. Баһаарга биэс киһи суорума суолламмыт, иккитэ оҕо.

РФ МЧС дознавателэ баһаар буолбут биричиинэтин, буруйдааҕы уонна хоромньуну быһаарар. Баһаары умуруорууга СӨ Баһаарынай охранатыттан 15 киһи уонна 3 тиэхиньикэ үлэлээбит.