Өктөмҥө Саха сирин бастакы бэрэсидьиэнигэр кутурҕан миитин саҕаланна

Share

Бүгүн, атырдьах ыйын 8 күнүгэр, Хаҥалас улууһугар Саха Өрөспүүбүлүкэтин бастакы бэрэсидьиэнин Михаил Ефимович Николаевы тиһэх суолугар атаараллар.

Чапаев сэлиэнньэтигэр Билим дьоҕус академиятыгар ыытыллар кутурҕан миитиҥҥэ Ил Дархан Айсен Николаев, норуот дьокутааттара, Бырабыыталыстыба чилиэннэрэ, бииргэ үлэлээбит дьоно, доҕотторо, биир дойдулаахтара, аймахтара өрөспүүбүлүкэ уһулуччулаах судаарыстыбаннай уонна бэлитиичэскэй диэйэтэлгэ махтаналларын этэллэр.

Гражданскай панихида кэмигэр РФ бэрэсидьиэнэ Владимир Путин, РФ Бырабыыталыстыбатын бэрэссэдээтэлэ Михаил Мишустин, Москватааҕы уонна Бүтүн Арассыыйатааҕы Сибэтиэй Патриарх Кирилл, Федерация Сэбиэтин спикерэ Валентина Матвиенко, Уһук Илин федеральнай уокурукка РФ бэрэсидьиэнин боломуочуйалаах бэрэстэбиитэлэ Юрий Трутнев, Татарстан Өрөспүүбүлүкэтин бастакы бэрэсидьиэнэ Минтимер Шаймиев кутурҕаннарын тиэрдэр ис хоһоонноох тэлэгирээмэлэрин аахтылар.

“Михаил Ефимович Николаев – биһиги бастакы бэрэсидьиэммит, хас биирдиибитигэр эрэллээх уонна дьоһуннаах, муударай буолууну иҥэрбитэ. Саха сирин олохтоохторо ыар сүтүктэннибит. Саха сирин бары олохтоохторун аатыттан Михаил Ефимович тапталлаах кэргэнигэр Дора Никитичнаҕа, кыргыттарыгар, сиэннэригэр, хос сиэннэригэр, аймахтарыгар уонна чугас дьонугар дириҥ кутураҕаммын биллэрэбин. Бииргэ үлэлээбит дьонугар, кинини кытта олох суолугар бииргэ үлэлээн ааспыттарга барыларыгар кутурҕаммын этэбин. Маннык түгэҥҥэ биһиги бары киниэхэ махталбытын, ытыктабылбытын тириэрдэр тылы булар уустук. Өрөспүүбүлүкэтин, дойдутун туһугар оҥорбут үтүөтүн сыаналыыр өссө уустук. Маны кини эркин курдук эрэммит устуоруктар, үүнэр көлүөнэ оҥоруохтара диэн эрэнэбин”, — диэн Айсен Николаев эттэ.

Дойдуга бэлитиичэскэй кириисис уонна экэниэмикэ кэхтиитин кэмигэр Михаил Ефимович Николаев салайыытынан Саха сирэ аныгы судаарыстыбаннай тутул, социальнай судаарыстыбаны оҥоруу холобурунан буолбутун, дьон үөрэхтэниитэ, билиитэ-көрүүтэ, духуобунай уонна эт-хаан өттүнэн сайдыыта инники күөҥҥэ турарын биллэрбитигэр болҕомтону хатаата. Бу туһунан Ил Дархан уонна Бырабыыталыстыба пресс-сулууспата суруйар.

Салгыы манна ааҕыҥ.

Хаартыска: Андрей Сорокин (СИА).
Хаартыска: Андрей Сорокин (СИА).

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

11 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

11 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

12 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

12 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

13 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

13 часов ago