Өктөмҥө тахсыбыт быһылаанынан Ил Дархан кутурҕанын биллэрдэ

Өктөмҥө улахан иэдээн буолла — баһаартан биэс киһи суорума суолланна, кинилэр ортолоругар икки оҕо баар. 

Ил Дархан Хаҥалас улууһугар Өктөмҥө баһаарга былдьанан сырдык тыыннара быстыбыт дьон аймахтарыгар, чугас дьонноругар кутурҕанын биллэрдэ.

«Маннык түгэҥҥэ иэдээни кытта дьон бэйэлэрэ эрэ бүгэн хаалымыахтарын наада. Кинилэргэ өйөбүл оҥоһуллуо. СӨ Бырабыыталыстыбатыгар уонна Хаҥалас улууһугар  бары өттүнэн көмөлөһөллөрүгэр соруйдум», — диэн тг-ханаалыгар суруйда.