Экзит-пуллар: Уһук Илиҥҥэ губернатордар быыбардарыгар «Биир ньыгыл Арассыыйа» чилиэттэрэ кыайан иһэллэр

Саамай муҥутуур элбэх куолаһы — 75%-ы Магадаан уобалаһын баһылыга Сергей Носов уонна Саха сирин баһылыга Айсен Николаев ылыахтарын сөп.

Быыбартан экзит-пулл бастакы дааннайдарынан, Уһук Илиҥҥэ «Биир ньыгыл Арассыыйа» баартыйаттан турбут хандьыдааттар үгүс олохтоох өйөбүлүн ылбыттар. Бэлиэтээн суруйдахха, экзит-пулл диэн олохтоохтор быыбардыыр учаастактан тахсааттарын кытта оҥоһуллубут ыйытык буолар. Маны социологтар ыыталлар.

Бигэргэтиллэ илик дааннайдарынан, Амурскай уобаласка Василий Орлов 72-74% куолаһы ылыан сөп, Чукотка баһылыгын э.т. Владислав Кузнецов — 68-72%, Олег Кожемяко — 64,08%. Хабаровскай баһылыгын быыбарыгар Сергей Кравчук 52% куолаһы ылыан сөп.

Забайкальеҕа судаарыстыбаннай мунньах дьокутааттарын быыбарыгар, экзит-пуллар дааннайдарынан, «Биир ньыгыл Арассыыйа» — 49%, ЛДПР — 20%, КПРФ — 12%, «Сиэрдээх Арассыыйа» — 8%, «Новые люди» — 6%, «Коммунисты России» — 3%, «Родина» — 2% куоластары ылыахтарын сөп.

Эмиэ бигэргэтиллэ илик дааннайдарынан, Бурятия судаарыстыбаннай мунньаҕын быыбарыгар «Биир ньыгыл Арассыыйа» 49,01%, КПРФ — 24,32%, «Новые люди» — 16,58%, ЛДПР — 6,22%, «Сиэрдээх Арассыыйа» — 3,87%. 

Саха сиригэр экзит-пуллар көрдөрөллөрүнэн, «Биир Ньыгыл Арассыыйа» — 55%, «Новые люди» — 17%, КПРФ — 14%, «Сиэрдээх Арассыыйа» — 5%, ЛДПР — 5%, «Родина» — 1%.