Элбэх дьону албыннаабыт түөкүн дьыалата суукка барда

Дьокуускай куорат борокуратуурата 31 саастаах киһи түөкүннээһинин дьыалатын суукка ыытта. Бу туһунан СӨ Борокуратуурата иһитиннэрэр.

Бу киһиэхэ РФ холуобунай кодексын 159 ыст. 2 ч (алтата түөкүннээһин дьайыытын оҥорбут) атын дьон баайын-дуолун түөкүннээн ылбытынан холбуобунай дьыала тэриллибит. Кини дьону албынныыр соруктаах биллэриилэр сервистэригэр киирэн атыылыыр уонна куортамҥа биэрии туһунан биллэриилэри булан хаһаайыттарга сибээскэ тахсан харчы ыыппытын туһунан сымыйа докумуону көрдөрөн албынныыр эбит.

Эмсэҕэлээбит дьон малларын-салларын киниэхэ биэрбиттэрин, бу киһи комиссионнай маҕаһыыҥҥа туттаран атыылыыр эбит. Хоромньу уопсай сууммата 487 тыһ. солк. буолбут.

Силиэстийэ кэмигэр биллибитинэн, 300 тыһ.солк. баай-дуол былдьаммыт. Сир учаастактарыгар, ону сэргэ уорбаланааччы дьиэтигэр арест оҥоһуллубут. Буруйдуур түмүк оҥоһуллан, холуобунай дьыала суукка ыытыллыбыт.